Nzembo

43 Ee Nzambe, sambisá ngai,+

Sambá likambo na ngai+ ná ekólo oyo ezali sembo te.

Bikisá ngai na mabɔkɔ ya moto ya bokosi mpe oyo azangi bosembo.

2 Mpo ozali Nzambe na ngai, ndako na ngai ya makasi.+

Mpo na nini obwaki ngai?

Mpo na nini nasengeli kotambola mawamawa mpo monguna azali konyokola ngai?+

3 Tindá pole na yo mpe solo na yo.+

Ekamba ngai;+

Emema ngai na ngomba na yo mosantu mpe na tabernakle na yo monene.+

4 Bongo nakoya na etumbelo ya Nzambe,+

Epai ya Nzambe, oyo azali esengo na ngai mpenza.

Mpe nakosanzola yo na nzɛnzɛ,+ Ee Nzambe, Nzambe na ngai.

5 Mpo na nini nazangi elikya?

Mpo na nini mobulungano oyo kati na ngai?

Nakozela Nzambe,+

Mpo nakosanzola ye lisusu; azali Mobikisi na ngai monene mpe Nzambe na ngai.+