Yisaya
55 Bino nyonso oyo bozali na mposa ya mai,+ bóya kozwa mai.+
Bino baoyo bozali na mbongo te, bóya, bózwa* mpe bólya.
Ɛɛ, bóya, bózwa* vinyo mpe miliki+ kozanga mbongo, mpe ya ofele.+
2 Mpo na nini bozali kaka kobimisa mbongo mpo na eloko oyo ezali limpa te,
Mpo na nini kobebisa mbongo na bino oyo bozwi na mpasi na eloko oyo etondisaka te?
Bóyoka ngai na likebi, mpe bólya eloko oyo ezali malamu,+
3 Bótya litoi mpe bóya epai na ngai.+
Bóyoka, mpe bokokoba kozala na bomoi,
Mpe nakosala na bino kondimana moko oyo ekoumela seko+
Na kolanda elaka ya bolingo ya sembo oyo nasalaki na Davidi, oyo ebongi kotyelama motema.+
5 Talá! Okobenga* ekólo oyo oyebi te,
Mpe bato ya ekólo oyo bayebi yo te bakoya mbangu epai na yo
Mpo na Yehova Nzambe na yo,+ Mosantu ya Yisraele,
Mpo akokumisa yo.+
6 Bóluka Yehova na ntango oyo akoki komonana.+
Bóbenga ye na ntango oyo azali pene.+
7 Moto mabe atika mabe na ye,+
Mpe mosali mabe atika makanisi na ye;
Azongela Yehova mpe akoyokela ye mawa,+
8 “Mpo makanisi na ngai ezali makanisi na bino te,+
Ndenge na ngai ya kosala makambo ekeseni mpenza na oyo ya bino,” Yehova alobi bongo.
9 “Mpo kaka ndenge likoló etombwani mosika koleka mabele,
Ndenge na ngai mpe ya kosala makambo eleki mosika oyo ya bino
Mpe makanisi na ngai koleka makanisi na bino.+
10 Mpo kaka ndenge mbula ná nɛjɛ eutaka na likoló ekiti,
Ezongaka kuna te soki epɔlisi mabele te, ebotisi yango te mpe esali te ete ebimisa milona,
Soki moloni azwi naino mboto te mpe molei azwi naino limpa te,
11 Liloba oyo ekobima na monɔkɔ na ngai ekozala ndenge wana.+
Ekozongela ngai te soki ekokisi naino likambo na yango te,+
Kasi ekokokisa mpenza nyonso oyo esepelisaka ngai,*+
Mpe ekolonga mpenza na likambo oyo natindaki yango.
Bangomba mpe bangomba mike ekosepela liboso na bino na koganga ya esengo,+
Mpe banzete nyonso ya zamba ekobɛta mabɔkɔ na yango.+