Yirimia
3 Bato bamitunaka: “Soki mobali moko abengani mwasi na ye mpe mwasi yango akei, mpe akómi mwasi ya mobali mosusu, mobali yango akozongela ye lisusu?”
Mokili yango mobimba ekómi mbindo te?+
“Osali bondumba na mibali ebele,+
Mpe sikoyo osengeli nde kozongela ngai?” Yehova alobi bongo.
2 “Tombolá miso na yo na bangomba mike oyo ezali polele mpe moná.
Esika nini oyo basangisi na yo nzoto na makasi te?
Ofandaki pembeni ya banzela mpo na kozela mibali na yo,
Lokola moto oyo ayengayengaka* na esobe.
Ozali kaka kokómisa mokili mbindo
Na bondumba mpe na mabe na yo.+
Elongi na yo esilá nsɔni lokola ya mwasi oyo azali kosala bondumba;
Oboyi koyoka nsɔni.+
5 Okokanga nkanda mpo na libela,
To okokoba kotala masumu na biso mpo na libela?’
Yango nde ozali koloba,
Kasi ozali kokoba kosala makambo nyonso ya mabe oyo okoki kosala.”+
6 Na mikolo ya mokonzi Yosiya,+ Yehova alobaki na ngai boye: “‘Omoni likambo Yisraele oyo azangi bosembo asali? Amati na ngomba nyonso oyo etombwaná mpe na nse ya nzete nyonso oyo etondi na nkasa mpo asala bondumba.+ 7 Ata nsima ya kosala makambo nyonso wana, nazalaki kaka koloba na ye ete azongela ngai,+ kasi azongaki te; mpe Yuda azalaki kaka kotala ndeko na ye ya mwasi oyo azali na bokosi.+ 8 Ntango namonaki bongo, nabenganaki Yisraele oyo azangi bosembo mpe napesaki ye mokanda ya koboma libala+ mpo na ekobo na ye.+ Kasi Yuda, ndeko na ye ya mwasi oyo azali kosala na bokosi, abangaki te, ye mpe akendaki mpe asalaki bondumba.+ 9 Amonaki bondumba na ye mabe te mpe azalaki kaka kokómisa mokili mbindo, mpe kosala ekobo na mabanga mpe na banzete.+ 10 Atako nyonso wana, Yuda ndeko na ye ya mwasi oyo azali kosala na bokosi azongelaki ngai na motema na ye mobimba te, kasi kaka na lokuta,’ Yehova alobi bongo.”
11 Yehova alobaki na ngai lisusu boye: “Yisraele oyo azangi bosembo amimonisi ete azali sembo koleka Yuda oyo azali kosala na bokosi.+ 12 Kende mpe sakolá maloba oyo epai na nɔrdi:+
“‘“Zongá, Ee Yisraele mopɛngwi,” Yehova alobi bongo.’+ ‘“Nakotala bino na nkanda te,*+ mpo nazali sembo,” Yehova alobi bongo.’ ‘“Nakokanga nkanda mpo na libela te. 13 Ndimá ete omemi ngambo, mpo otombokeli Yehova Nzambe na yo. Ozalaki kaka kolanda bapaya* na nse ya nzete nyonso oyo etondi na nkasa, kasi otosaki ngai te,” Yehova alobi bongo.’”
14 “Bózonga, Ee bino bana bapɛngwi,” Yehova nde alobi bongo. “Mpo ngai moko nakómi nkolo na bino;* mpe nakozwa bino, moko na engumba moko mpe mibale na libota moko, mpe nakomema bino na Siona.+ 15 Mpe nakopesa bino babateli oyo bakosala makambo ndenge nalingi,*+ mpe bakoleisa bino na boyebi mpe na mayele ya kososola. 16 Bokokóma mingi mpe bokobota mbuma na mokili na mikolo yango,” Yehova alobi bongo.+ “Bakoloba lisusu te ete: ‘Sanduku ya kondimana ya Yehova!’ Mpe yango ekoya na motema te, bakokanisa yango te, bakolela yango te, bakosala yango lisusu te. 17 Na ntango yango, bakobenga Yerusaleme kiti ya bokonzi ya Yehova;+ mpe bikólo nyonso ekoyanganisama mpo na kosanzola nkombo ya Yehova na Yerusaleme,+ mpe bakolanda lisusu te na motó makasi nyonso motema mabe na bango.”
18 “Na mikolo yango, bato ya Yuda ná bato ya Yisraele bakotambola elongo,+ mpe bakobima elongo na mokili ya nɔrdi mpo na kokɔta na mokili oyo napesaki bankɔkɔ na bino libula.+ 19 Mpe namilobaki ete: ‘Talá ndenge natyaki yo na katikati ya bana mibali mpe napesaki yo mokili ya kitoko, libula oyo eleki kitoko na kati ya bikólo!’*+ Nalobaki lisusu boye: Okobelela ngai ete: ‘Tata na ngai!’ Mpe okotika te kolanda ngai. 20 ‘Ya solo, ndenge oyo mwasi asaleli mobali na ye* makambo na bokosi mpe atiki ye, Ee bato ya Yisraele, bosaleli ngai makambo na bokosi,’+ Yehova alobi bongo.”
21 Lokito eyokani na bangomba mikemike oyo ezali polele,
Kolela mpe mabondeli* ya bato ya Yisraele,
Mpo babebisi nzela na bango;
Babosani Yehova Nzambe na bango.+
22 “Bózonga, bino bana bapɛngwi.
Nakobikisa bino na lipɛngwi na bino.”+
“Biso oyo! Toyei epai na yo, mpo yo,
Ee Yehova, ozali Nzambe na biso.+
23 Ya solo, bangomba mike mpe yikiyiki likoló ya bangomba ezali ya solo te.+
Ya solo, lobiko ya Yisraele ekouta epai ya Yehova Nzambe na biso.+