Nzembo

107 Bópesa Yehova matɔndi, mpo azali malamu;+

Bolingo na ye ya sembo ezali seko na seko.+

 2 Baoyo Yehova asikoli báloba bongo,

Baoyo asikoli na lobɔkɔ* ya monguna,+

 3 Baoyo ayanganisi uta na mikili,+

Uta na ɛsti mpe na wɛsti,*

Uta na nɔrdi mpe na sudi.+

 4 Bayengayengaki na esobe, na mokili ekauká;

Bamonaki nzela moko te ya kokende na engumba epai bakoki kofanda.

 5 Bayokaki nzala mpe mposa ya mai;

Bakómaki pene ya kokwea mpo balɛmbaki makasi.

 6 Bazalaki kaka kobelela Yehova na mpasi na bango;+

Mpe abikisaki bango na mitungisi na bango.+

 7 Atambwisaki bango na nzela ya malamu+

Mpo bákóma na engumba oyo bakoki kofanda.+

 8 Bápesa Yehova matɔndi+ mpo na bolingo na ye ya sembo

Mpe mpo na misala na ye ya kokamwa mpo na bana ya bato.+

 9 Asilisi mposa na bango* ya mai

Mpe apesi bilei ya malamu na baoyo* bazali na nzala.+

10 Basusu bazalaki kofanda na molili makasi,

Bato ya bolɔkɔ oyo bazalaki konyokwama na minyolɔlɔ.

11 Mpo batombokelaki liloba ya Nzambe;

Batosaki te toli ya Oyo-Aleki-Likoló.+

12 Na yango akitisaki bango na ndenge atikaki ete bányokwama makasi mpenza;+

Babɛtaki libaku, mpe moto ya kosalisa bango azalaki te.

13 Babelelaki Yehova mpo na kosɛnga lisalisi na mpasi na bango;

Abikisaki bango na mitungisi na bango.

14 Abimisaki bango na molili makasi,

Mpe akataki bansinga na bango.+

15 Bápesa Yehova matɔndi mpo na bolingo na ye ya sembo+

Mpe mpo na misala na ye ya kokamwa mpo na bana ya bato.

16 Mpo abuki baporte ya kwivre

Mpe akati bikangiseli ya ebende.+

17 Bazalaki bazoba mpe banyokwamaki makasi+

Mpo na kobuka mibeko mpe mabunga na bango.+

18 Mposa ya bilei ya ndenge nyonso esilaki bango;*

Bakómaki pene ya baporte ya liwa.

19 Bazalaki kobelela Yehova mpo na kosɛnga lisalisi na mpasi na bango;

Azalaki kobikisa bango na mitungisi na bango.

20 Azalaki kotinda liloba na ye mpe kobikisa bango na maladi+

Mpe kobikisa bango mpo bákufa te.

21 Bápesa Yehova matɔndi mpo na bolingo na ye ya sembo

Mpe mpo na misala na ye ya kokamwa mpo na bana ya bato.

22 Bákaba bambeka ya kozongisa matɔndi+

Mpe básakola misala na ye na koganga ya esengo.

23 Baoyo basalaka mibembo na bamasuwa na mbu,

Baoyo basalaka mombongo na mai minene,+

24 Bamonaki misala ya Yehova

Mpe misala na ye ya kokamwa na bisika ya mozindo;+

25 Bamonaki ndenge apesaki etinda mpe mopɛpɛ makasi ebimaki,+

Etomboli bambonge ya mbu.

26 Bamataka na likoló,

Bakitaka na nse tii na mozindo.

27 Bayokaka kizunguzungu mpe batengatengaka lokola moto oyo alangwe masanga,

Mpe mayele ya mosala na bango nyonso esalisi bango te.+

28 Bongo babelelaki Yehova na mpasi na bango,+

Mpe abikisaki bango na mitungisi na bango.

29 Akómisaka mopɛpɛ makasi kimya;

Mbonge ya mbu efandaka nyɛɛ.+

30 Basepelaka ntango yango ekómi nyɛɛ,

Mpe akambaka bango na libongo oyo basepelaka na yango.

31 Bápesa Yehova matɔndi mpo na bolingo na ye ya sembo

Mpe mpo na misala na ye ya kokamwa mpo na bana ya bato.+

32 Bákumisa ye na lisangá ya bato,+

Mpe bákumisa ye na etuluku* ya mikóló.

33 Akómisaka bibale mokili ekauká

Mpe maziba ya mai mabele ekauká,+

34 Akómisaka mabele oyo ebotaka mokili ya mungwa,+

Mpo na mabe ya baoyo bazali kofanda kuna.

35 Akómisaka mokili ekauká etima oyo etondi na matiti,

Mpe mabele oyo ekauká maziba ya mai.+

36 Afandisaka bato ya nzala kuna,+

Mpo bápika makasi engumba oyo bakoki kofanda.+

37 Balonaka bilanga mpe balonaka bilanga ya vinyo,+

Oyo ebimisaka ebele ya mbuma ya kobuka.+

38 Apambolaka bango mpe bakómaka ebele mpenza;

Atikaka te ete bibwɛlɛ na bango ekóma moke.+

39 Kasi lisusu bakómaka moke mpe basambwisamaka

Mpo na monyoko, mpasi, mpe mawa.

40 Atyolaka mpenza bato ya lokumu

Mpe asalaka ete báyengayenga na mikili oyo ezali mpamba, epai nzela ezali te.+

41 Kasi abatelaka* mobola na ntango ya mpasi+

Mpe akómisaka mabota na bango ebele lokola etonga.

42 Bato ya makambo alima bamonaka yango mpe basepelaka;+

Kasi bato nyonso oyo bazangi bosembo* bakangaka monɔkɔ.+

43 Moto oyo azali na bwanya akotyela makambo yango likebi+

Mpe akotya mpenza likebi na misala ya bolingo ya sembo ya Yehova.+