Mokanda ya liboso ya Ntango

9 Bayisraele nyonso bakomamaki nkombo na kolanda molɔngɔ ya bankɔkɔ na bango, mpe bazali na Buku ya bakonzi ya Yisraele. Kasi bato ya Yuda bamemamaki na mboka mopaya na Babilone mpo na kozanga bosembo na bango.+ 2 Bato ya liboso oyo bazongaki na bisika na bango, na bingumba na bango, ezalaki Bayisraele mosusu, banganga-nzambe, Balevi, mpe basaleli ya tempelo.*+ 3 Mpe bakitani mosusu ya Yuda,+ ya Benyamina,+ ya Efraime, mpe ya Manase bafandaki na Yerusaleme. Bankombo na bango yango oyo: 4 Utai mwana ya Amihude mwana ya Omiri, mwana ya Imiri mwana ya Bani, na kati ya bakitani ya Pereze+ mwana ya Yuda. 5 Na bakitani ya Shela: Asaya mwana ya liboso ná bana na ye. 6 Na bana ya Zera:+ Yeuele, ná bandeko na bango 690.

7 Mpe na bakitani ya Benyamina oyo bafandaki kuna ezalaki Salu mwana ya Meshulame mwana ya Hodavia mwana ya Hasenua, 8 Yibineya mwana ya Yerohame, Ela mwana ya Uzi mwana ya Mikri, mpe Meshulame mwana ya Shefatia mwana ya Rewele mwana ya Yibiniya. 9 Mpe bandeko na bango, na kolanda ndenge bakitanaki, bazalaki bato 956. Bango nyonso bazalaki bankumu ya mabota ya batata na bango.*

10 Mpe na kati ya banganga-nzambe, ezalaki na Yedaya, Yehoyaribe, Yakine,+ 11 Azaria mwana ya Hilikiya, mwana ya Meshulame, mwana ya Zadoke, mwana ya Merayote, mwana ya Ahitube, mokambi moko ya ndako* ya Nzambe ya solo, 12 Adaya mwana ya Yerohame, mwana ya Pashure, mwana ya Malakiya, Maasai mwana ya Adiele, mwana ya Yahazera, mwana ya Meshulame, mwana ya Meshilemite, mwana ya Imere, 13 mpe bandeko na bango, bankumu ya mabota ya batata na bango, mibali ya nguya mpe ya mpiko 1 760, oyo bandimaki kosala mosala na tempelo* ya Nzambe ya solo.

14 Mpe na kati ya Balevi ezalaki na Shemaya+ mwana ya Hashube mwana ya Azirikame mwana ya Hashabiya na kati ya bakitani ya Merari; 15 mpe Bakabakare, Hereshe, Galale, Matania mwana ya Mika mwana ya Zikri mwana ya Asafe, 16 Obadia mwana ya Shemaya mwana ya Galale mwana ya Yedutune, mpe Berekia mwana ya Asa mwana ya Elekana, oyo azalaki kofanda na mboka moko ya Banetofa.+

17 Bakɛngɛli ya baporte+ ezalaki: Shalume, Akube, Talamone, ná Ahimane. Mpe ndeko na bango Shalume azalaki nkumu. 18 Liboso azalaki na porte ya mokonzi, na ɛsti.+ Bango nde bazalaki bakɛngɛli ya baporte ya bakaa ya Balevi. 19 Shalume mwana ya Kore mwana ya Ebiasafe mwana ya Kora, ná bandeko ya libota ya tata na ye, bato ya libota ya Kora, bazalaki kokamba bakɛngɛli ya baporte ya hema. Mpe batata na bango bazalaki kokamba misala na kaa ya Yehova lokola bakɛngɛli ya esika ya kokɔta. 20 Finehase+ mwana ya Eleazare+ nde azalaki mokambi na bango kala; Yehova azalaki elongo na ye. 21 Zekaria+ mwana ya Meshelemia azalaki mokɛngɛli na ekɔtelo ya hema ya kokutana.

22 Bato nyonso oyo baponamaki mpo na kozala bakɛngɛli na bisika ya kokɔta na ndako bazalaki 212. Bazalaki kofanda na mwa bamboka na bango, ndenge bakomamaki nkombo na kolanda molɔngɔ ya bankɔkɔ na bango.+ Davidi ná Samwele momoni-makambo+ batyaki bango na mikumba na bango ya bato oyo babongi kotyelama motema. 23 Bango ná bana na bango bazalaki kokamba mosala ya kokɛngɛla baporte ya ndako ya Yehova,+ elingi koloba, ndako ya hema. 24 Bakɛngɛli ya baporte bazalaki na bangámbo minei: na ɛsti, na wɛsti, na nɔrdi mpe na sudi.+ 25 Mbala na mbala, bandeko na bango bazalaki kouta na bamboka na bango mpe koya kosala mosala elongo na bango mikolo nsambo. 26 Ezalaki na bakonzi* minei na kati ya bakɛngɛli ya baporte na mokumba ya bato oyo babongi kotyelama motema. Bazalaki Balevi, mpe bazalaki kotalela biteni ya ndako* mpe bisika ya kobomba biloko ya motuya ya ndako ya Nzambe ya solo.+ 27 Bazalaki kolekisa butu na bisika oyo batyaki bango zingazinga ya ndako ya Nzambe ya solo; mpo bazalaki kosala mosala ya kokɛngɛla mpe bazalaki na mokumba ya kosimba fungola. Bango nde bazalaki kofungola ndako ntɔngɔ nyonso.

28 Basusu kati na bango bazalaki na mokumba ya kotalela biloko+ oyo bazalaki kosalela mpo na losambo. Bazalaki kotánga yango ntango bazali kokɔtisa yango, mpe kotánga yango ntango bazali kobimisa yango. 29 Basusu kati na bango batyamaki mpo na kotalela bisaleli mosusu, ezala mpe bisaleli+ mosantu nyonso, mpo na kotalela farini ya malamu,+ vinyo,+ mafuta,+ olibana,+ mpe mafuta ya balsame.+ 30 Bana mosusu ya banganga-nzambe bazalaki kosala malasi na mafuta ya balsame. 31 Mpe Matitia, moko ya Balevi, oyo azalaki mwana ya liboso ya Shalume Mokora, azalaki na mokumba ya bato oyo babongi kotyelama motema mpo na kotalela biloko oyo bakalingi na kikalungu.+ 32 Bandeko na bango mosusu oyo bazalaki Bakohate bazalaki na mokumba ya kotalela mampa ya kotanda,*+ mpo na kobongisa yango sabata nyonso.+

33 Baoyo wana nde bayembi, bankumu ya batata ya mabota ya Balevi; bazalaki na kati ya biteni ya ndako.* Bazalaki kopesa bango mikumba mosusu te, mpo basengelaki kosala mosala na bango butu moi. 34 Bango nde bazalaki bankumu ya mabota ya batata ya Balevi na kolanda ndenge bakitanaki; bazalaki bakonzi. Bazalaki kofanda na Yerusaleme.

35 Yeyele, tata ya Gibeone, azalaki kofanda na Gibeone.+ Nkombo ya mwasi na ye ezalaki Maaka. 36 Mpe mwana na ye ya liboso ezalaki Abadone, na nsima Zure, Kishe, Baala, Nere, Nadabe, 37 Gedore, Ahio, Zekaria, ná Mikelote. 38 Mikelote azalaki tata ya Shimeame. Bango nyonso bazalaki kofanda pene na bandeko na bango na Yerusaleme, elongo na bandeko na bango mosusu. 39 Nere+ azalaki tata ya Kishe; Kishe azalaki tata ya Saulo;+ Saulo azalaki tata ya Yonatane,+ Malaki-shua,+ Abinadabe,+ ná Eshibaala. 40 Mwana ya Yonatane ezalaki Meribe-baala.+ Meribe-baala azalaki tata ya Mika.+ 41 Mpe bana ya Mika ezalaki Pitone, Meleke, Tarea, ná Ahaze. 42 Ahaze azalaki tata ya Yara; Yara azalaki tata ya Alemete, Azemavete, ná Zimiri. Zimiri azalaki tata ya Moza. 43 Moza azalaki tata ya Binea, mwana na ye Refaya, mwana na ye Eleasa, mwana na ye Azele. 44 Azele azalaki na bana motoba, mpe bankombo na bango ezalaki Azirikame, Bokeru, Yishimaele, Shearia, Obadia, ná Hanane. Bango nde bana ya Azele.