Nzembo

 2 Tókende liboso na ye* na matɔndi;+

Tóyemba mpe tóganga na bolongi mpo na ye.

 3 Mpo Yehova azali Nzambe monene,

Mokonzi moko monene likoló ya banzambe mosusu nyonso.+

 4 Bisika ya bozindo ya mabele ezali na lobɔkɔ na ye;

Bansɔngɛ ya bangomba ezali ya ye.+

 5 Mbu, oyo asalá, ezali ya ye,+

Mpe mabɔkɔ na ye esalaki mabele ya kokauka.+

 6 Bóya, tósambela mpe tógumbama;

Tófukama liboso ya Yehova Mokeli na biso.+

 7 Mpo ye azali Nzambe na biso,

Mpe biso tozali bato ya esika na ye ya koleisa bibwɛlɛ matiti,

Bampate oyo azali kobatela.*+

Lelo oyo, soki boyoki mongongo na ye,+

 8 Bókómisa motema na bino makasi te lokola na Meriba,*+

Lokola na mokolo ya Masa* na esobe,+

 9 Ntango bankɔkɔ na bino bamekaki ngai;+

Batumolaki ngai, atako bamonaki misala na ngai.+

“Balandaka ntango nyonso bamposa ya mitema na bango;

Bayebi banzela na ngai te.”