Nzembo

92 Ezali malamu kopesa Yehova matɔndi+

Mpe koyemba mpo na kosanzola* nkombo na ye, Ee Oyo-Aleki-Likoló,

 2 Mpo na kolobela bolingo na yo ya sembo+ na ntɔngɔ

Mpe bosembo na yo na butu,

 3 Eyembamaka na ebɛtɛlo ya nsinga zomi mpe na ebɛtɛlo ya nsinga misato,

Na miziki kitoko ya nzɛnzɛ.+

 4 Mpo osepelisi ngai, Ee Yehova, na misala na yo;

Mpo na misala ya mabɔkɔ na yo, nazali koganga na esengo.

 6 Moto moko te oyo azangi mayele akoki koyeba yango;

Mpe zoba moko te akoki kokanga ntina na yango:+

 7 Ntango bato mabe bazali kobima lokola matiti mabe*

Mpe basali-mabe nyonso bazali kokola,

Ezali mpo básila libela.+

 9 Mpo talá kokwea ya banguna na yo, Ee Yehova,

Talá ndenge banguna na yo bakokufa;

Bato mabe nyonso bakopanzana.+

10 Kasi okobakisa makasi* na ngai lokola oyo ya ngɔmbɛ ya zamba;

Nakopakola loposo na ngai mafuta ya sika.+

11 Mpe nakomona kokwea ya banguna na ngai;+

Matoi na ngai ekoyoka nsango ya kokwea ya baoyo bazali kobundisa ngai.

12 Kasi moto ya sembo* akokola lokola nzete ya mbila;

Mpe akokola lokola nzete ya sɛdrɛ na Liban.+

13 Balonamá na ndako ya Yehova;

Bazali kokola na mapango ya Nzambe na biso.+

14 Ata na bobange* bakokoba kokola;+

Bakozala kaka makasi* mpe bakolɛmba te,+

15 Bakoloba ete Yehova azali sembo.