Nzembo

Ya Davidi.

138 Nakosanzola yo na motema na ngai mobimba.+

Liboso ya banzambe mosusu,

Nakoyemba mpo na kosanzola yo.*

2 Nakogumbama, natali na ngámbo ya tempelo* na yo mosantu,+

Mpe nakosanzola nkombo na yo+

Mpo na bolingo na yo ya sembo mpe bosembo na yo.

Mpo okumisi liloba na yo mpe nkombo na yo koleka eloko mosusu nyonso.*

3 Na mokolo oyo nabengaki yo,+ oyanolaki ngai;

Opesaki ngai mpiko* mpe makasi.+

4 Bakonzi nyonso ya mabele bakosanzola yo, Ee Yehova,+

Mpo bakoyoka bilaka nyonso oyo opesaki.

5 Bakoyemba mpo na banzela ya Yehova,

Mpo nkembo ya Yehova ezali monene.+

6 Atako Yehova atombwami, atyelaka moto ya komikitisa likebi,+

Kasi moto ya lolendo, ayebaka ye kaka na mosika.+

7 Ata soki natamboli na kati ya likama, okobatela ngai na bomoi.+

Mpo na nkanda ya banguna na ngai, okosembola lobɔkɔ na yo;

Lobɔkɔ na yo ya mobali ekobikisa ngai.

8 Yehova akosala makambo nyonso mpo na bolamu na ngai.

Ee Yehova, bolingo na yo ya sembo ezali seko na seko;+

Kosundola misala ya mabɔkɔ na yo te.+