Epai ya mokambi ya nzembo. Ya Davidi, mpo ezala likambo ya kokanisa.
70 Ee Nzambe, bikisá ngai,
Ee Yehova, yaká noki kosalisa ngai.+
2 Baoyo bazali koluka koboma ngai
Báyoka nsɔni mpe básambwa.
Baoyo bazali kosepela na mpasi na ngai
Bázonga nsima na nsɔni.
3 Baoyo bazali koloba: “Aha! Aha!”
Bázonga nsima na nsɔni.
4 Kasi baoyo bazali koluka yo
Básepela mpe bázala na esengo mpo na yo.+
Baoyo balingaka misala na yo ya kobikisa báloba ntango nyonso ete:
“Nzambe akumisama!”
5 Kasi ngai nazali moto oyo azangi lisalisi mpe mobola;+
Ee Nzambe, salá noki okɔta likambo na ngai.+
Yo ozali mosungi na ngai mpe mobikisi na ngai;+
Ee Yehova, koumela te.+