Yisaya
52 Ee Siona!+ Lamuká! Lamuká! Latá makasi na yo,+
Ee Yerusaleme, engumba mosantu, latá bilamba na yo ya kitoko!+
Mpo esutu mpe moto ya mbindo akokɔta epai na yo lisusu te.+
2 Ee Yerusaleme, pupolá putulu na nzoto, tɛlɛmá mpe fandá.
Ee yo mokangami, mwana mwasi ya Siona, longolá bansinga na nkingo na yo.+
3 Mpo talá oyo Yehova alobi:
4 Mpo talá oyo Nkolo Mokonzi-Oyo-Aleki-Nyonso Yehova alobi:
“Mbala ya liboso, bato na ngai bakitaki na Ezipito mpo na kofanda kuna lokola bapaya;+
Na nsima Asiri enyokolaki bango kaka mpamba.”
5 “Bongo sikoyo, nasala nini?” Yehova alobi bongo.
“Mpo bato na ngai bazwamaki ofele.
Bato oyo bazalaki koyangela bango bazalaki kaka koganga na bolongi,”+ yango nde liloba ya Yehova,
“Mpe ntango nyonso, mokolo mobimba, bamemyaki nkombo na ngai te.+
6 Mpo na yango nde bato na ngai bakoyeba nkombo na ngai,+
Mpo na yango, bakoyeba na mokolo yango ete, ngai nde Moto nazali koloba.
Ɛɛ, ezali ngai.”
7 Ezali kitoko mpenza na bangomba makolo ya moto oyo azali koya na nsango malamu,+
Ya moto oyo azali kosakola kimya,+
Ya moto oyo azali koya na nsango malamu ya eloko moko ya malamu koleka,
Ya moto oyo azali kosakola lobiko,
Ya moto oyo azali koloba na Siona ete: “Nzambe na yo akómi Mokonzi!+
8 Yoká! Basinzili na yo batomboli mongongo.
Bazali koganga elongo na esengo,
Bakomona yango polele* ntango Yehova akozongisa Siona.
10 Yehova amonisi lobɔkɔ na ye mosantu na miso ya bikólo nyonso;+
Bansuka nyonso ya mabele ekomona misala ya lobiko* ya Nzambe na biso.+
11 Bólongwa, bólongwa, bóbima kuna,+ bósimba eloko moko te ya mbindo!+
12 Bokobima mbangumbangu te,
Bokokima mpe te,
Mpo Yehova akotambola liboso na bino,+
Mpe Nzambe ya Yisraele akokɛngɛla bino na nsima.+
13 Talá! Mosaleli na ngai+ akosala makambo na mayele ya kososola.
Akotombolama likoló,
Akomatisama mpe akokumisama mingi mpenza.+
14 Bato ebele batikalaki minɔkɔ polele ntango bazalaki kotala ye,
—Mpo elongi na ye ebebisamaki mingi koleka oyo ya moto mosusu nyonso
Mpe nzoto na ye ya lokumu ebebisamaki koleka ya bato—