25 Biledade+ Moshua ayanolaki ete:
2 “Boyangeli mpe nguya ya nsɔmɔ ezali ya ye;
Azali kotya kimya na likoló.
3 Basoda na ye bakoki nde kotángama?
Epai ya nani pole na ye ebimaka te?
4 Bongo ndenge nini moto, mowei mpamba, akoki kozanga mbeba liboso ya Nzambe,+
To ndenge nini moto oyo abotami na mwasi akoki kozala na ngambo te?+
5 Soki na miso na ye ata sanza ezali kongɛnga te,
Mpe minzoto ezali pɛto te,
6 Bongo ekozala boni mpo na moto, mowei mpamba, oyo azali kaka nkusu,
Mpe mwana ya moto, oyo azali kaka mosɔpi!”