Yobo

 2 “Bino bozali bato ya bwanya,*

Ntango bokokufa, bwanya mpe ekokufa elongo na bino!

 4 Nakómi eloko ya kosɛka epai ya moninga na ngai,+

Moto oyo azali kobelela Nzambe mpo ayanola ye.+

 5 Moto oyo azali malamu asɛkaka baoyo bazali kokutana na mpasi,

Akanisaka ete mpasi ezwaka kaka baoyo bazali na mikakatano.*

 6 Bahema ya miyibi ezali na kimya,+

Mpe baoyo batumolaka Nzambe bazali na libateli,+

Baoyo bazali na nzambe na bango na mabɔkɔ na bango.

 7 Kasi, nabondeli yo, tuná banyama, mpe ekoteya yo;

Ná bandɛkɛ ya likoló, mpe ekoyebisa yo.

 8 To mpe tyá likebi* na mabele, ekoteya yo;

Mpe bambisi ya mbu ekoyebisa yo yango.

 9 Nani kati na yango nyonso eyebi te

Ete lobɔkɔ ya Yehova nde esali yango?

10 Bomoi ya ekelamu nyonso* ezali na lobɔkɔ na ye

Mpe elimo* ya moto nyonso.*+

11 Litoi emekaka maloba te

Ndenge lolemo* emekaka bilei?+

12 Bwanya ezalaka nde epai ya mibange te+

Mpe mayele eyaka te na koumela na bomoi?

13 Bwanya mpe nguya ezali epai na ye;+

Azali na toli mpe na mayele.+

14 Soki abuki eloko moko, ekoki kotongama te;+

Likambo oyo akangi, moto moko te akoki kofungola yango.

15 Soki akangi mai, eloko nyonso ekaukaka;+

Ntango atindaka yango, ezindisaka mabele.+

16 Makasi mpe bwanya ezali epai na ye;+

Moto oyo abungi nzela mpe moto oyo abungisaka bato nzela bazali ya ye;

17 Atambwisaka bapesi-toli makolo-ngulu,*

Mpe akómisaka basambisi ligboma.+

18 Afungolaka minyɔlɔlɔ ya bakonzi,+

Mpe akangaka mokaba na loketo na bango.

19 Atambwisaka banganga-nzambe makolo-ngulu,+

Mpe akweisaka baoyo bokonzi na bango epikamá makasi;+

20 Alongolaka maloba na monɔkɔ ya bapesi-toli oyo batyelaka motema,

Alongolaka mayele epai ya mibange;*

21 Atyolaka mpenza bato ya lokumu,+

Mpe alɛmbisaka* bato ya nguya;

22 Abimisaka polele makambo ya mozindo ya molili,+

Mpe amemaka molili mozindo na pole;

23 Akómisaka bikólo makasi mpo abebisa yango;

Apalanganisaka bikólo mpo na komema yango na boombo.

24 Alongolaka mayele* ya bakambi ya bato,

Mpe asalaka ete báyengayenga na bisika oyo ezali mpamba, epai nzela ezali te.+

25 Bazali kosimbasimba epai na epai na molili,+ epai pole ezali te;

Asalaka ete báyengayenga lokola bato oyo balangwe masanga.+