Loyembo 35

Bolingo, nzela eleki malamu

(1 Bakolinti 13)

1. Nzambe, bolingo; asɛngi

Biso tómekola ye.

Tózala na bolingo mpo

Na bato mpe na Nzambe!

Ata tozwi likabo ya

Mayele to kondima;

Soki tozangi bolingo,

Tozali solo mpamba.

2. Tokoki kosakola,

Kolónga botɛmɛli, nde

Litomba na yango nini

Soki tokopɛtwa te?

Bolingo ekolimbisa,

Ezali na bosawa;

Ezangi bosɔtɔ, zuwa,

Yango motema mawa.

3. Bolingo eboyi nkanda,

Eyini mabe manso,

Ekolikyaka na nyonso,

Elingi mpe bosembo.

Bolingo, elikya mpe na

Kondim’ezali ngolu;

Kasi, na nyonso, bolingo

Eleki na malamu.