Loyembo 105

Tókumisa Mobotami na Liboso na Yehova!

(Baebele 1:6)

1. Epai na Klisto Yesu

Nde topesi nkembo

Ye nd’azalisamaki

Liboso na nyonso.

Na ye, biloko binso

Bisalemaki mpe,

Azalaki Liloba,

Mosáli ya Nzambe.

2. Ata azalaki na

Lolenge ya Nzambe,

Nde y’akanisaki te

Kokokana na ye.

Ye akómaki moto,

Amikitisaki.

Akumisaki Nzambe;

Na ye, tozwi bomoi.

3. Mpo na yango, Yehova

Atómbolaki ye.

Y’akobulisa nkombo

Ya Nzambe na bulee.

Akoboma Satana

Mpe bato ya mabe;

Kimya na basɔkɛmi,

Bakozw’esengo bɛɛ.

4. Nkembo na Klisto Yesu!

Nkembo na Bokonzi!

Tika mpe tósakola

Yango na mokili.

Na mosala ya bulee,

Tózala molende.

Tókumisa Mokonzi,

Ye Mwana na Nzambe!