Loyembo 223

Basembwi na yo bakopambola yo

(Nzembo 145:10)

1. Basembwi bapamboli yo,

Ɛ Yehova Nzambe.

Basepeli kokumisa

Misala na yo bɛɛ.

Nzambe na kokamwa

Nde biso tokumisi.

Makanisi na yo,

Nzela na yo etombwami.

Basembwi bakumisi yo;

Bazali n’esengo.

Basakweli bato banso

Nde misala na yo.

2. Boponami na Yehova,

Bósakola solo;

Bondimi mpe libyangami

—Bosakola yango.

‘Kapita na sembo’

Akoleisaka biso.

Bampate mpe bazwi

Lisalisi’a Mobikisi.

Bato wana basanzoli

Nkombo na yo seko.

Bango banso bazali sé

Kopesa yo nkembo.

3. Ɛ Yehova, yo malamu,

Yo motema mawa,

Otindaki Mwana na yo,

Mpo na biso’akufa.

Nkanda na yo, Nzambe,

Ekoyaka noki te.

Oyo nde esengo

Ete tósalela sé yo!

Yo sungaka bango nyonso

Basili kolɛmba.

Ópambwami na basembwi,

Ɛ Nzambe Yehova.