Bandakisa ya kolanda​—Mwasi mobola oyo mobali akufá

Yesu azalaki kotala ndenge bazwi bazali kotya makabo na kesi ya tempelo. Na kati ya ebele ya bato, amonaki mwasi mobola moko oyo mobali akufá azali kotya “mbongo ya bibende mibale ya motuya moke mpenza.” (Luka 21:2) Yesu akumisaki ye mpo na bokabi na ye. Mpo na nini? Mpo bato mosusu batyaki makabo “oyo balongolaki na biloko na bango oyo eleki ebele, kasi ye, na kokelela na ye, atyaki nyonso oyo azalaki na yango, nyonso oyo azalaki na yango mpo na kobikela.”​—Marko 12:44.

Na ndakisa ya mwasi wana, yo mpe otyaka makambo ya ntina na esika ya liboso? Okondima kopesa ntango mpe mbongo na yo na mosala ya Nzambe? Ndenge moko na mwasi mobola wana oyo mobali akufá, okoki kopesa makabo mpo na kobatela bisika na biso ya losambo. Okoki mpe kopesa ntango mpe mbongo na yo mpo na kosalisa basusu báyeba Yehova Nzambe. Yehova amonaki mpe asepelaki na mwa likabo moke oyo mwasi wana apesaki mpo na mosala na ye. Nzambe akosepela mpe akosalisa yo soki ozali kotya mokano na ye na esika ya liboso.​—Matai 6:33.