Lobelá lisolo moko, kasi tikelá moto bazulunalo nyonso mibale

Bazulunalo na biso mibale oyo totikelaka bato ezalaka na masolo ndenge na ndenge ya kitoko. Na esika ya kolobela masolo mingi na ndako mokomoko, mbala mingi ezalaka malamu kolobela kaka lisolo moko. Soki tozali kosalela miso mpe toyebi makambo ezali na kati ya bazulunalo yango, tokoki kopona lisolo moko, ezala na Linɔ́ngi ya Mosɛnzɛli to Lamuká!, oyo ekosepelisa moto oyo tozali kosolola na ye. Na ndakisa, soki tomoni biloko oyo bana basakanaka na yango na kati to na libándá ya lopango, tokoki kopona kolobela lisolo moko oyo etali libota. Soki tokutani na mobali, tokoki kopona kolobela likambo moko oyo esepelisaka mibali mingi, na ndakisa guvɛrnema ya malamu. Atako tokolobela kaka lisolo moko, mbala mingi tosengeli kotikela moto bazulunalo nyonso mibale soki tomoni ete moto yango asepeli.