Ekaniseli ya liwa ya Yesu​—Mokolo ya mitano, mwa 03/04/2015

KOBANDA mokolo ya pɔsɔ, mwa 07/03/2015, masangá nyonso na mokili mobimba emipesaki pɔsɔ minei na kobengisa bato báya kosangana elongo na biso mpo na kokanisa liwa ya Yesu Kristo mpe koyoka lisolo moko oyo elobelaki bolamu oyo liwa ya Yesu ememeli biso. Tobengisaki bato ebele mpenza: ezala na lokasa ya libyangi, na nzela ya telefone to na mesaje. Nini esalemaki? Na mokolo ya mitano, mwa 03/04/2015, Batatoli ya Yehova basepelaki mingi mpo bato 19 862 783 bayaki na molulu yango ya bosantu. Sikoyo, tozali kosala makasi mpo na kosalisa bato nyonso oyo bayaki na Ekaniseli bákóma basaleli ya Yehova, básambela Nzambe ya solo, bámona bolingo na ye monene mpe bázwa mapamboli.​—Mika 4:2.