Mpo na nini Batatoli ya Yehova basakolaka ndako na ndako?

Yesu ayebisaki bayekoli na ye ete bango mpe ‘bakómisa bato bayekoli na bikólo nyonso.’ (Matai 28:19, 20) Ntango Yesu atindaki bayekoli na ye ya liboso bákende kosakola, ayebisaki bango bákende koluka bato na bandako na bango. (Matai 10:7, 11-13) Nsima ya liwa ya Yesu, bakristo ya liboso bakobaki kosakola nsango malamu “na bisika ya bato nyonso mpe na ndako na ndako.” (Misala 5:42; 20:20) Tosalaka lokola bakristo wana ya liboso mpe tomonaka ete kosakola ndako na ndako ezali lolenge malamu ya kokutana na bato.