Bizaleli ya moto na Nzambe bikopesaka litomba na nzela nyonso

BA TÉMOINS DE JÉHOVAH bayebi ete “bizaleli ya moto na Nzambe bipesaka litomba na nzela nyonso” mpe bizali na ntina mpenza bobele na losambo ya solo. (1 Timoté 4:8.) Soki yango te, lingomba ekozala bobele elilingi ya mpamba. “Bizaleli ya moto na Nzambe” ezalaki bongo téme malamu mpo na kolandana ya ba assemblées ya distrike oyo ebandaki na sanza ya motoba oyo eleki.

Na sanza ya mwambe, ba assemblées misato esalemaki na Pologne, kati na esengo monene. Mwa mikolo moke liboso, na sanza ya mitano, ba Témoins de Jéhovah ya Pologne bazwaki bonsomi mpo na kondimama ya mosala na bango kati na mboka yango. (Mpo na kozwa bandimbola ya sikisiki likoló na ba assemblées ya Pologne, tala Réveillez-vous! ya 22 Décembre 1989.) Kati na lisolo oyo, tozongela mwa moke makambo oyo malobamaki na ba assemblées yango.

Piatek w Pznaniu (Vendredi na Poznań)

Na Juin 1956, batomboki 50 000 batambolaki na molende kati na Poznań, kosɛngaka mampa mpe bonsomi. Likambo yango ebimisaki: kufa ya bato koleka 50 mpe boyangeli ya sika esalemaki. Kasi tala sikawa, nsima na mibu 33 na nsima, bobele kati na engumba oyo moko, likita mosusu euti kosalema, oyo ekeseni mpenza na oyo ya liboso. Na yango, baklisto ya kimya bayanganaki kati na ezalela ya kotonda, koyikana ye mampa mingi na elimo mpe bonsomi ya boklisto. Mokolo ya mitano, badiskur ezalaki kolobela mingimingi téme oyo: “Ndenge nini kosalela Nzambe oyo azali kosɛnga bokangami makasi bobele epai na ye moko.” Mokolo na eyenga, bayanganaki bat 40 442.

Nsima na diskur ya kotombela bato boyei malamu oyo esalamaki na président ya assemblée, baklisto mingi batunamaki na diskur “Tozala na bomoi na bizaleli ya moto na Nzambe”. “Toboya bilobaloba mabe”: wana ezalaki teme ya diskur oyo elandaki, diskur oyo ezalaki komonisa ete maloba ya likolólikoló ekoki mpenza kokoma bilobaloba mabe kozanga nkaka. Liboso na koloba mpo na bamosusu, baklisto bateli, oyo balingi kobatela kimya mpe bomoko, bazali na mayele ya komituna: ‘Yesu akokaki koloba bongo? Ezali mpenza na ntina na koloba yango? Ezali kolendisa? Elonga nini nazali na yango mpo na koloba yango’?

Ba assemblées ya Pologne ezalaki mpenza na likambo moko oyo ekesenisaki yango: mokolo na mokolo, bantango mosusu ebombamaki mpo na koyoka masolo ya ba Témoins mosusu oyo bautaki na mikili misusu. Badélégé oyo bazalaki komonisa mikili 24 bayebisaki masolo oyo mamonisaki mpenza ete ezali na libota moko oyo ezali na bomoko kati na mokili mobimba. Soki ezali bongo, ezali mpo ete basangani na yango bandimi ete “Jéhovah azali kosɛnga bokangami makasi bobele na ye moko”. Lokola Nzambe abongi na kozwa bokangami yango, basaleli na ye basengeli te komikabola kati na bolingo na bango mpe losambo na bango. Ndakisa na Yesu ezali komonisa ete bokangami makasi ekopesaka nzela ata moko te na bolembu.

Bizaleli ya moto na Nzambe bitaleli makambo na biso nyonso. Yango wana, kati na lisolo “Bomizimbisa te”, lisolo ya biteni misato epesaki toli epai na moto na moto na komibatela kati na makambo matali bilei mpe komela, molato mpe motindo ya kobongisa nzoto, mpe kati na masano. Ya solo mpenza, kolunda mpe molangwa ezali mitindo na lokoso oyo ezali kolembisa elimo, ezali kobota mitungisi ya kolongono na nzoto, komema misala mabe mpe ezali kobota ba aksidá. Tosengeli mpe koboya bilamba oyo bitongami malamu te to oyo ezali kotutisa libaku. Bilamba ya bongo na bongo, ya minene koleka to mpe oyo bikangi nzoto ezali malamu te. Ntina ezali te ya koluka koyeba soki molato boye ezali ya mikolo oyo, kasi soki nde yango ebongi na ministre ya Nzambe. Na nsuka, masano oyo ebebisami na elimo ya botomboki. mobulu, komela drogue, bondoki to pite ezali mpo na baklisto te.​—Bafilipi 1:27.

Mokolo ya mitano nsima na midi, diskur ya liboso ezalaki na motó ya likambo “Moombo’ na sembo mpe college central na yango”. Kotyaka motema ete bikelamu na ye ya sembo bakozala na bokangami epai na ye, Jéhovah azali kopesa mwa ndambo ya bokonzi na ye. Ezali yango nde Mwana na ye azali kosala. Na yango, aponaki mwa basangani oyo basali college central oyo ezali komonana kati na bayekoli na ye bapakolami, oyo bazali bongo “moombo na sembo mpe na mayele”. (Matai 24:45) Na ekeke ya liboso, college central yango esalemaki na bantoma mpe na bankulutu mingi mosusu ya Yelusaleme.

Na eleko na biso, bakokisaki college central na bureau ya ln Société Watch Tower oyo ekokomaka mikanda mpe na conseil d’administration na yango. Nzokande, yango college central ekeseni na association juridique wana, likambo molobi alimbolaki na maloba oyo: “Mpo ete association ezala, esengeli kondimama kati na mibeko mpe ezali na esika ya sikisiki oyo yango ezali mpenza, ekoki mpe kobomama na Kaisala, elingi koloba na Leta.” Nzokande ezali bongo te mpo na College central; ezali mpenza esaleli oyo endimami na mibeko ya leta te, kasi basangani na yango “baponami na nzela na elimo santu na nse na litambwisi ya Jéhovah mpe Klisto”. Na yango, College central ezali kokoba na kosala mpe kozwa lisungi mobimba ya ba Témoins de Jéhovah ya mokili mobimba.

College central ezali sikawa na bato 12. Mitano kati na bango bazalaki na ba assemblées ya Pologne mpe moko na bango asalaki diskur​—cle: “Mpo na nini koyekola libombami mosantu ya bizaleli na moto na Nzambe”. Diskur yango ezalaki kolimbola ete libombami ya bizaleli na moto na Nzambe ezali bobele moko, “mpamba te emonisamaki na bomoto na Yesu”. Molobi alimbolaki biteni motoba ya libombami mosantu yango eyebisami kati na 1 Timoté 3:16 mpe alobaki ete: “Limemya na biso mpo na libombami mosantu esengeli ntango nyonso kopusa biso na kolanda mpenzampenza matambe na Yesu.”

Nsima na wana, ba symposiums mibale emonisaki polele ete bizaleli ya moto na Nzambe bisengami epai na bilenge mpe epai na mikolo. Baboti bazali na mokumba ya kopesa epai na bana na bango libula ya elimo na kokotisáká kati na mitema na bango ndimbola ya sikisiki ya koyeba malamu mpe mabe. Ezali likambo ya ntina na kozala na boyekoli malamu ya libota, oyo na boumeli na yango mikakatano mitali bolenge mizali kotalelama na lolenge ebongi mpenza. Lokola bazali ntango nyonso pene mpo na komona bilembo ya likama, baboti basengeli kobatela bana na bango na baninga ya mabe, ata kati na lisangá.

Epai mosusu, bilenge oyo balingi kozala na bomoi malamu basengeli komibalola epai na Klisto, oyo ‘atikelaki bango ndakisa mpo ete balanda matambe ma ye’. (1 Petelo 2:21.) Mpe batunaki bango motuna oyo ya ntina: “Soki babɔkwamaki kati na solo, boyebi makambo mazali bino kondima, kasi boyebi mpo na nini?” Balendisamaki na kozwa etelemelo mpo na solo nsima na kotalela bango moko ete Biblia ezali Liloba na Nzambe mpe ete ba Témoins de Jéhovah bazali mpenza na solo.

Kati na mikili mingi, diskur oyo ezwaki lokumu na liyebisi ya kobima na mokanda Les jeunes S’interrogent​—Réponses pratiques, mokanda ya bankasa 320. (Tala kati na lisolo oyo ezali na motó ya likambo “‘Likabo ya Jéhovah’ mpo na bilenge”.) Tokanisi ete bilenge ya Pologne mpe ya mikili misusu ya Europe de l’Est bakozwa mokolo mosusu, bango mpe, esengo ya kotanga kati na minoko na bango batoli kitoko oyo ezwami kati na mokanda yango.

Sobota w Chorzowi (samedi na Chorzów)

Katowice ezali mboka oyo etondi na bakompanyi katikati ya esika oyo houille ezalaka mingi na sud ya Pologne. Bisika oyo batimolaka mabanga ya ntalo ezali mpenza litomba monene mpo na régió wana. Nzokande, na sanza ya mwambe oyo eleki, ezalaki mpo na litomba moko monene nde balobelaki mokolo ya poso mpo na bato 65 710 oyo bayanganaki na stade Slaski.

Na yango, mokolo yango ezalaki na motó ya likambo oyo: “Bizaleli ya moto na Nzambe ezali nzela ya mbano monene.” (1 Timoté 6:6) Ezali mpe motó na likambo ya diskur ya yambo ya nsima na midi, oyo kati na yango baklisto mingi babiangamaki na kolimbola soki litomba nini monene bokobi ya kosalela bizaleli na Nzambe ememeli bango.

Matomba oyo kokoba kosalela bizaleli ya motona Nzambe ezali kopesa etalelamaki na ntongo kati na symposium moko. “Na kotangaka mbala na mbala mpe na kososolaka” Liloba na Nzambe, mpe na kolukaka na koyeba makambo oyo tozali kotanga mpe na kokanisaka kati na libondeli mpo na lolenge ya kosalela yango, tokoki kokoba na kolanda bizaleli ya moto na Nzambe “Na kongengisaka ntango nyonso pole na biso”. (Yosua 1:8.) Emonisamaki ete soki ba Témoins de Jéhovah nyonso ya mokili balekisaki 15 minutes na mokolo mpo na kopesa litatoli ya mbalakaka na moto, mosala ya kosakola na mbula mobimba ekozwa kobakisama ya bangonga 327 milió.

Tozali kolanda bizaleli ya moto na Nzambe “Na kotelemaka ngwi liboso na masenginya”. Biloko lokola bilei, masanga, binama ya nzoto na mwasi mpe mobali to mosolo, atako ezali mpenza mabe te, ekoki kokoma mabe na bantango mosusu. Tokomibatela na komitikaka mpambampamba te liboso na likama ya bozwi na mokili, na pornografi (bafilms to mikanda oyo ezali kolakisa bolumbu ya bato), na drogue mpe na molangwa oyo ezali komonana mingi koleka kati na mokili, mpe na kotiaka mpe likebi mingi te na bisengo, lokola miziki, masano mpe kobima elongo na baninga. Libondeli ezali eloko ya liboso. Baklisto basengeli koyekola na koyina makambo oyo mazali mabe. Kati na likanisi bobele moko oyo, molobi oyo alandaki asalaki diskur oyo: “Tobika mpo na kosala mokano na bato lisusu te, kasi mpo na kokokisa oyo ya Nzambe.”

Bato oyo bazali kozwa ekateli ya kolanda toli oyo, bazali kokoma mingi. Mpo na kondima yango, ba Témoins 2 663 bamonisaki ekateli na bango na ‘kolanda bizaleli ya moto na Nzambe nsima na komipesa na Nzambe mpe kozwa batisimo’. (Mpo na ba assemblées nyonso misato ya Pologne, batangaki bato 6 093 oyo bazwaki batisimo.) Kati na diskur oyo esalamaki liboso ya batisimo na bango, baklisto wana ya sika bolendisamaki, mpo na kobatela esengo na bango kati na mosala ya Jéhovah, na kokanisaka likoló na ebele na bantina oyo bazali na yango mpo na kozala na esengo: Jéhovah azali Moninga na bango, bazali na libota ya molongo mobimba mpe bazali na elikya ya kozala na bomoi kati na Paradis.

Na nsima, ezalaki na ntina ya botosi na boklisto nde balobelaki kati na diskur “Tokokisa misala na bizaleli ya moto na Nzambe ​—Mibali batiami na nse na litambwisi na Klisto. Elobamaki ete mibali oyo bakosalelaka bizaleli ya bato na Nzambe bakomemaka mikumba na bango ya libota na bolingo mpe na ezaleli ya elimo oyo na Klisto. Kati na lisolo oyo elandaki, “Basi na botosi lokola ebongi”, basi baklisto balendisamaki na kopesa lisungi na bango epai na mibali na bango, kasi babenda bango te na kosala mabe mpe bamitika te komemama na mayoki na bango mpo na kokamata bikateli oyo bizangi mayele. Mpo na bilenge, lokola bazali “bana oyo bazali kotosa baboti na bango’‘, balendisamaki na kotosa, na kopesa bakomantere na ntango ya makita mpe na kosangana na mosala ya kosakola.

Oyo nde batoli kitoko! Ya solo, mpo na oyo etali kopesa litambwisi malamu ya elimo, lingomba na lokuta elongi ata soki moke te. Ebongi mpenza na kokweisama na mpiko nyonso, mpe ezali yango nde emonisamaki na diskur “‘Motioli na mibeko amonani’ ”. Moto yango ya libombami ayebanaki: “Azali ‘moto’ na elilingi, liboke na bato mingi; azali kolakisa lisangani ya bakonzi nyonso ya mangomba na boklisto na lipengwi ya mokili oyo.” “Bapengwi ya ntango na biso oyo bazalaki komiloba ete bazali ba Témoins(, kasi nde) bazongelaki mateya mabe ya boklisto na mokili oyo, oyo basanzáká kala mpe (baoyo) basali na bomoko elongo na balangwi na elimo ya Babilone Monene, bayaki kosangana elongo na bakonzi mabe ya mangomba oyo na mawa nyonso bayebani mingi mpo na minyokoli na bango epai na basaleli ya Nzambe, babandaki kobeta mpe kobundisa kelasi ya moombo na sembo mpe na mayele ya Jéhovah”. Mpe, kati na bobeti makasi ya maboko, bayangani nyonso bandimaki maloba oyo: “Tokoba kotondola Babilone Monene mpe ‘moto oyo azali kotyola mibeko”.

Mpo na yango, esengeli molende. Esengeli mpenza kozala na yango na eleko na biso oyo, engebene Milton Henschel, mosangani ya college central, bato mingi “bazali koboya Nzambe mpe koboya kondima Liloba na ye, Biblia”. Lelo oyo “bato mingi bazali kotosa Biblia te”; nzokande, yango esili koumela mingi. Alobaki boye ete “mokanda moko te ekomama na likanisi ya bomoto ezali kobomba bwanya to mayele oyo ezali kosimba mitema na bato mpe ezali na bokokani longwa na ebandeli kino na nsuka”. Abakisaki ete: “Ba Témoins de Jéhovah bazali kotika ete Biblia esalela nguya na yango kati na bomoi na bango”, mpe: “kozala na libota wana ya mokili mobimba ya baklisto na solo emonisi mpenza ete Biblia epemami na Nzambe. Mokolo yango esukaki na kopesáká nsango moko: kobima ya mokanda La Bible: Parole de Dieu ou des hommes na minoko mingi.

Niedziela w Warszawie (dimanche na Varsovie)

Mingimingi, bapaya oyo bayaka ma Varsovie mpe na kotala mboka batambolaka mpe na kotala monimá oyo etongami na esika Bayuda bazalaki kofanda epai kuna, na boumeli ya Etumbu ya Mibale ya mokili mobimba, banazi bafandisaki bankoto na Bayuda oyo basengelaki kobomama Nzokande, soki etamboli mwa minite moke na vuatire pene na esika yango, le 13 Aout 1989, bato 60 366 batondaki na stade X-Lecia mpo na koyoka masolo oyo masangisamaki na motó na likambo: “Tokima mbindo mpe tozala na bomoi kati na bizaleli ya moto na Nzambe.”​—Tito 2:12.

Kozala na bomoi na bizaleli ya moto na Nzambe, ezali polele, eboyi elimo ya lipanda oyo ezali elembo mpo na mokili. Yango wana baklisto basengeli mpenza kosala mbongwana mpo na kondimama na Nzambe, ndenge ezalaki liteya ya drame ya solo oyo esalemaki na móto nyonso ya bandeko ya pologne mpe ezalaki na motó na likambo “Botosa Jéhovah”.

Nsima na yango, mosangani moko ya collége central atangaki 1 Bakolinti 8:6: ’’Mpo na biso Nzambe azali bobele moko, ye Tata.” Amonisaki ete Trinité ezali liteya ya moboko ya boklisto te, lokola bato mingi bazali kondima yango, kasi ezali nde kolongisama ya Jéhovah na nzela ya Bokonzi oyo apesaki na Klisto. Alimbolaki ete, “liteya ya Trinité ezali bolongwi na nzela mpe euti na lipengwi”. Na ntina yango, bato oyo bazali koloba ete Marie azali mama na Nzambe mpe Moyokanisi kati na Nzambe mpe moto, ‘balingi te kotosa Nzambe kati na makanisi na bango’. (Baloma 1:28.) Na bongo, “mpo na kosambela Nzambe na lolenge malamu, esengeli koboya Trinité”. Ezalaki na ntango wana nde bato babɛtaki maboko mpo na kosepela na liyebisi ya kobima ya brochure moko Czy wierzyc w Trójce (Doit​—on croire a la Trinité?) Brochure wana ya bankasa 32 ezali esaleli moko kitoko mpo na kobimisa lokuta ya liteya oyo ezali kofinga Nzambe.

Bato oyo bakangamaki na camp ya Bayuda na Varsovie naino bazwa libiki te. Nzokande, lokola diskur piblike eyebisaki yango, engebene ebika na Nzambe, “libiki ya bato oyo bakosambelaka ekomi pene”. (2 Petelo 2:9) Ezali likambo ya solo, ata soki baklisto batungisami na mobulu moleki makasi​—mobulu ya mokolo na mokolo to mobulu oyo ebimeli bango na lolenge ya minyoko. Kosengaka bongo na moto moko na moko na komitalela, molobi amonisaki malamu ete Nzambe “azali kokana kobikisa bato oyo bazali kosambela, na baoyo bazali komonisa mpenza bizaleli ya solo ya moto na Nzambe, na baoyo bazali kotosa ye mpamba te bazali sembo epai na ye”.

’’Bopela móto na elimo”; diskur wana ezalaki bokundoli ya nsuka. Na bongo nde assemblée esukaki na lisolo moko ya kolendisa oyo motó na likambo na yango elobaki ete: “Bizaleli ya moto na Nzambe ezali litomba: tolona yango ntango nyonso”. Na nsuka, bayangani bafungolaki mikanda na bango ya sika ya loyembo na monoko ya polonais, oyo eutaki kobima kala mingi te na binyateli, mpe basangisaki mongongo na bango kati na “Libondeli moko ya botondi” (Loyembo 45).

Nsima na libondeli ya kafukafu oyo esukisaki molulu, stade eninganaki na kobeta maboko, ezala na Varsovie to na Poznań mpe na Katowice. Na Varsovie, bankoto na maboko wana pene na koningisa biloko nyonso ebimisaki makelele oyo eumelaki penepene na minite 11. Moto moko te alingaki kozonga epai na ye. Bankoto wana ya ba Témoins, oyo mpo na mingi bayaki koyangana mpo na mbala ya liboso kati na assemblée moko ya mikolo misato, batelemaki esika yango ntango molai, komonisaka esengo na bango kati na lolenge ya botondi mpo na Jéhovah mpe mpo na lisangá na ye. Bakanisaki ete bamoni kokokisama ya makambo oyo makomami kati na Nzembo 47:1, 2, oyo elobi: “Bino mabota nyonso, beta maboko; ngangela Nzambe na konganga na mingongo ya esengo, mpo ete Jéhovah Oyo Aleki-Likoló azali kotosama; ye Mokonzi monene likoló na mokili mobimba.” Na nsima, lokola moko na bileko ya nguya koleka kati na lisolo ya ba Témoins de Jéhovah ya ekeke ya ntuku mibale, bandeko na biso wana ya milende bamibongisaki mpo na kozwa nzela ya bozongi, mitema mitondi na esengo mpe na ekateli ya kopalanganisa litatoli kitoko ya Bokonzi, mpo na kolanda ndakisa kitoko ya bizaleli ya moto na Nzambe oyo etikamaki na Yesu.

[Etanda na lokasa 27]

Mokanda ya sika ebengami La Bible​—Parole de Dieu ou des hommes? mpe brochure Doit-on croire a la Trinite? ebimisaki bilembo mingi ya botondi. Na ntina na brochure Trinité, moklisto mwasi moko alobaki: “Ekamwisi ngai mpe esepelisi ngai. Merci mpo na ebele ya ngonga, ya molende mpe mosala oyo bosali mpo na kobimisa brochure oyo kitoko.”

Na ntina na mokanda La Bible​—Parole de Dieu ou des hommes?, moklisto mwasi mosusu alobaki: “Nalingi kotondo bino na motema na ngai mobimba mpo na mokanda oyo kitoko. Nazali komituna soki bozali koyeba ete mokanda yango ezali chef-d‘oeuvre. Nazalaka na momeseno ya kotya mikoloto na nse ya makambo ya ntina. Kasi mpo na mokanda oyo, bosimbi ngai mpenza, mpamba te liloba nyonso ezali na ntina. Nauti sikawa kosilisa mokapo ya mitano, kasi esengeli ete natondo bino.”

[Etanda na lokasa 30]

“Likabo ya Jéhovah” mpo na bilenge

Na Etats-Unis mpe na mikili mingi misusu, likita ya Vendredi nsima ya midi ezalaki eleko moko makasi mpo na ba assemblées. Bilenge ya mibu 10 kino 19 babiangamaki mpo na kofanda kati na esika moko ebongisamaki mpo na bango. Na nsuka ya ebongiseli moko sipesiale ya badiskur, bapesaki na moko na moko kati na bango kozanga ete bapesa mosolo mokanda moko ya sika Les jeunes S’interrogent Réponses pratiques. Kati na mokili mobimba mokanda yango ebimisamaki na minoko 21, motuya na yango nyonso ezali penepene na 8 840 000, mpe la Société azwaki bankama na mikanda ya botondi.

Elenge mwasi moko akomaki ete ezalaki na badiskur mingi epesamaki mpo na bilenge na boumeli ya ba assemblées oyo eleki, kasi likambo oyo ya kofanda biso nyonso esika moko ebotaki kati na biso esengo moko oyo tondimaki yango te.’ Elenge mosusu alobi: “Nakendaki kofanda na esika oyo ebongisamaki mpo na bilenge. Yango epesaki ngai elendiseli mingi ete, uta ntango wana, nabanda kozwa banote na makita, nayekolaka mingi koleka mpe napesaka bakomantere. Nazali kokana kozwa batisimo na elanga ezali koya.”

Likita oyo ekoumela ntango molai kati na makanisi ya bilenge ebele. “Elenge mwasi moko azali koyebisa boye ete, ntango molobi ayebisaki ete tosengeli kofanda kati na esika moko ebongisami nandimaki te ete likambo moko ya ntina ekoki kosalema. Ntango kobima ya mokanda eyebisamaki, nalingaki kolela mpo na esengo. Nayebaka ntango nyonso ete bozali komibanzabanza mpo na biso, bilenge, kasi bolingo ya motindo oyo esimbi mpenza motema na ngai. Oyo ezali solo mpenza mokanda oyo ebongi!

“Elenge mwasi moko na nkombo Léa alobi ete, ekomami malamu, mpe bililingi oyo bizali kati na yango bizali solo mpe bizali kopusa na kokanisa.” Mikanda oyo mikabolamaki na assemblée mizalaki na mwa nsango moke ya college central epai “na bilenge nyonso oyo bazali ba Témoins de Jéhovah”. “Elenge Andrée alobi ete, motema na ngai etondaki na esengo mpo na mokanda wana mpenza. Ezali lokola soki nde moto moko oyo Jéhovah aponi mpo na kozala na bomoi elongo na ye kuna na likoló azali koloba na ngai ye moko.”

Mingi basepelaki ete mokanda mopesama epai na bilenge. Mama moko amikundoli lisusu: “Mai ya miso ebimaki ngai. Bandeko, bana na ngai mitano, ya mibu 11 kino 16, bazalaki kati na bilenge wana. Nzokande, nakokaki kozala na makoki ya kosomba bobele mibale mpamba.” Elenge mobali moko, Marc akomi: “Natangaki soki ntalo nini yango esengelaki kozala na kopesaka mokanda moko epai na elenge moko moko, kasi nayei kososola na nsima ete batoli oyo ezwami na kati ezali na ntalo te. Soki mokanda esalisi ata elenge moko oyo azali kopengwa mpo na kozonga na nzela ya bomoi to, mpe lisusu, ezali kosalisa mingi kati na biso na kotikala na nzela yango, na bongo mosolo yango nyonso ekobeba mpamba te.“

Bilenge mingi basili kozwa matomba nokinoki na nzela ya mokanda. “Elenge mobali moko alobi boye ete, nayanganaki na assemblée oyo ebandaki na le 7 kino le 9 Juillet, mpe Lundi na le 10, nasilisaki kotanga yango.” Mosusu alobi: “Mikapo mibale ya nsuka elendisaki ngai na kotalela bomoi kozanga liseki. Liboso nakanaki kozwa batisimo, nde nsima nabongolaki likanisi sikawa lokola nasili kozwa mokanda oyo kitoko, nazali kososola ete mokili ezali mpe koleka mpe esengeli na ngai kozwa ekateli kozanga koumela.”

“Elenge moko ya mwasi akomaki boye, lokola bileko bizali kobongwana, nakanisaki ete mikóló bazalaki kokanisela biso te. Bokoki koyeba te ndenge nini natondaki na esengo nakomona ete nazalaki komikosa. Bolingo oyo bozali komonisa biso epesi ngai liyoki ete nazali na ntina liboso na bino.” Etuluku moko ya bilenge ya Suède bakomaki: ‘Tozali na liyoki ete bozali komitya na esika na biso, mpe tozali komiyoka penepene na bino mpenza.”

Elenge moko alobi na mokuse makambo nyonso wana na maloba oyo: “Ndeko na ngai ya mobali, ndeko na ngai ya mwasi mpe ngai moko, tolingi mokanda oyo. Tozali kotalela yango lokola likabo ya Jéhovah ye moko.” Tozali kosambela mpo ete likabo yango ekoba kopesa bolamu epai na bilenge oyo bazali kobanga Nzambe.

[Etanda na lokasa 29]

Namoni kokola ya lingomba ya solo na Afrika ya Sudi

Bizaleli ya bato ya nzambe ezali kozwa esika na mpoto

[Elilingi na lokasa 26]

Varsovie: Kobima ya brochure “Trinite” eyambamaki na esengoMikanda ya sika mizali kolendisa ‘misala na bizaleli ya moto na Nzambe’.

[Elilingi na lokasa 31]

Chorzów: Ba Témoin de jehovah oyo bauti komipesa sika epai na Nzambe bazali kokoba kosalela bizaleli ya moto na Nzambe na Chorzów!