Yesu, bomoi na ye mpe mosala na ye

Elembo ya mikolo na nsuka nsima ya midi. Lokola Yesu afandi

SIKAWA tozali na mokolo ya Mardi na likoló na ngomba ya Olive mpe azali kotala temple longwa na likoló, Petelo, André. Yakobo mpe Yoane bakei epai na ye bobele bango mpenza. Bazali komitungisa na ntina na temple, mpamba te Yesu auti koloba ete ‘libanga na yango moko ekotikala likoló na mosusu te’.

Kasi na ntembe te. bazali lisusu kokanisa na ntina ya likambo mosusu wana ezali bango kobelema epai na Yesu. Na mwa baposo euti koleka. Yesu alobaki na ntina na “koya” (présence) na ye, ntango oyo “mwana na moto asengeli komonana”. Bantoma bazali sika komituna mituna mingi.

Batuni Yesu boye: ”Yebisa biso: Nyonso oyo (makambo oyo makomema kino na kobomama ya Yelusaleme mpe temple na yango) ekoya ntango nini, mpe elembo ya komonana na yo mpe ya nsuka na biloko mabe ya ntango oyo ekozala nini?” Na yango, bazali wana kotuna mituna misato. Libosoliboso. balingi koyeba makambo makoya na nsuka ya Yelusaleme mpe temple na yango, balingi koyeba makambo makoya na ntango na koya na Yesu mpe, mpo na kosukisa, balingi koyeba makambo nini makoya na nsuka ya biloko mabe ya ntango oyo mobimba.

Kati na eyano molai oyo apesi na bango, Yesu ayanoli na biteni misato ya motuna yango. Apesi elembo oyo ekomonisa ntango oyo biloko mabe ya Bayuda ekosuka; kasi asuki wana te. Apesi lisusu elembo oyo ekopesa nzela na baoyo bakozala bayekoli na ye na koyeba ete, asili koya mpe ete nsuka ya biloko mabe ya ntango oyo mobimba ekomi pene.

Lokola bambula ezali koleka, bantoma bakobanda kotalela kokokana ya esakweli ya Yesu. Na solo, bobele makambo oyo alobi nde ekobanda komonana wana ezali bango na bomoi. Bongo,baklisto oyo bakokaki kozala na bomoi mbula 37 na nsima. elingi koloba na mobu 70, basengelaki kokamwa te na ntina na kobomama ya biloko mabe ya Bayuda elongo na temple na yango.

Nzokande, koya na Klisto mpe nsuka ya biloko mabe nyonso ya ntango oyo ezalaki na mobu 70 te. Koya na ye lokola Mokonzi ya Bokonzi na Nzambe ezalaki bobele nsima mpenza. Kasi ntango nini? Boyekoli na esakweli na Yesu emonisi yango.

Yesu alobi ete bokoyoka ‘lokito ya bitumba mpe nsango ya bitumba’. “Libota moko likotelemela libota mosusu”, mpe banzala mpe koningana ya mokili mpe ba maladi ekozala Bayekoli na ye bakoyinama mpe kobomama Basakoli mingi ya lokuta bakotelema mpe bakopɛngwisa bato mingi. Kotyolama ya mibeko ekoyikana mpe bolingo ya bato mingi ekozwa mpio. Bobele na ntango wana, nsango malamu ya Bokonzi na Nzambe ekosakolama na mokili mobimba lokola litatoli mpo na mabota nyonso.

Na solo, esakweli wana ya Yesu ekokanaki moke liboso na kobomama ya Yelusaleme na mobu 70, kasi kokokana na yango monene mpenza ezali na boumeli na koya na Yesu mpe na boumeli na nsuka ya biloko mabe ya ntango oyo. Na kotalela na likebi mpenza makambo oyo mazali kobima na mokili kobanda 1914, ezali komonisa ete esakweli wana na Yesu ezwi kokokana na yango mpenza uta na mbula wana.

Likambo mosusu oyo Yesu alobelaki na elembo yango ezali oyo ete, kobima ya ’‘eloko na mbindo”. Na mobu 66, eloko na mbindo yango ebimaki na lolenge na ‘bibele ya basoda oyo bayaki kozinga Yelusaleme’, mapinga ya Baloma oyo efandelaki Yelusaleme mpe ebibisaki lopango ya temple. “Eloko na mbindo” etelemaki na esika oyo yango ekokaki te kozala.

Na kokokana monene ya elembo, eloko na mbindo ezali nde Société des Nations mpe na nsima Nations Unies ekitanaki yango. Boklisto ya mokili oyo ezali kotalela lisanga wana ya mokili mobimba mpo na kimya lokola nde ezali komonisa Bokonzi na Nzambe awa na mabelé. Oyo likanisi ya mbindo! Na elaka esili kotyama, banguya ya politike nyonso oyo esangani kati na O.N.U. ekobalukela boklisto ya lokuta (oyo ekokani na Yelusaleme na kala) mpe ekoboma yango.

Yango wana Yesu asakolaki boye: ”Ekozala na mpasi mingi lokola emonanaki te longwa na ebandeli. Ekobima mpe boye lisusu te.” Kobomama na Yelusaleme na mobu 70 ezalaki solo mpasi monene (balobi ete motuya na bato bakufaki molekaki 1 milió). kasi mpasi wana ezalaki monene te koleka oyo na mpela na ntango ya Noa. Na bongo, kokokana ya nsuka ya eteni oyo ya esakweli ya Yesu ezali naino koya. Matai 24:2-22; 13:40, 49; Malako 12:3-20; Luka 21:7-24; 19:43, 44; 17:20-30; 2 Timote 3:1-5.

◆ Nini etindi bantoma na kotuna Yesu, kasi bazali kokanisa lisusu na nini?

◆ Eteni nini na esakweli na Yesu ekokanaki na mobu 70, kasi nini esalamaki te na mbula wana?

◆ Ntango nini esakweli na Yesu ekokanaki mpo na mbala ya liboso, kasi ntango nini ezwi kokokana na yango monene?

◆ Eloko na mbindo, emonisamaki liboso na nini mpe nsima eyei komonisama na nini?

◆ Mpo na nini kobomama ya Yelusaleme ezalaki te bolozi monene oyo ya nsuka?