Masangá ya sika oyo esalemi na kolanda mibeko ya Leta na États-Unis

Linɔ́ngi ya Mosɛnzɛli ya 15 Yanuali 2001 emonisaki ete biso Batatoli ya Yehova tozali kotambwisa makambo na molɔngɔ mpenza mpo na kokende ntango nyonso liboso na mosala na biso ya kosakola Bokonzi na mokili mobimba. Elimbolaki mpe lolenge oyo tozali kosalela ba association to masangá ndenge na ndenge oyo esalemi na kolanda mibeko ya Leta mpo ete esalisa biso tópanza nsango malamu. Lokola Liloba ya Nzambe esɛngi yango, masangá wana esengeli kozala mpo ete tómonisa botosi na biso na mibeko ya bikólo oyo tofandi. (Lom. 13:⁠1) Mosala na biso ya kosakola ezali monene mpenza mpe esɛngi makambo ndenge na ndenge; yango wana, mpo na kokokisa bamposa mosusu oyo Batatoli ya Yehova bazali na yango na États-Unis, Lisangani ya Mikóló-Bakambi bauti kondima kosalema ya masangá mosusu ya motindo wana. Masangá yango ya sika oyo esalemi na kolanda mibeko ya Leta ezali na bankombo oyo:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Masangá yango ekosala elongo na oyo ya kala, elingi koloba Watch Tower Bible and Tract Society of Pennysylvania mpe Watchtower Bible and Tract Society of New York, Inc. Tokozala na botɔndi mpenza soki mokomoko na biso akopesa mabɔkɔ na bibongiseli yango ya sika oyo Lisangani ya Mikóló-Bakambi bazwi mpo na kokokisa mokumba na bango ya kobatela biloko nyonso ya Nkolo.​​—⁠Mat. 24:​45-47.