“Tómata na ngomba ya Yehova”

“Na eleko ya nsuka ya mikolo”

Eleko oyo tozali lelo

“Ngomba ya ndako ya Yehova”

Losambo ya pɛto ya Yehova oyo eleki nyonso

“Bikólo nyonso ekosopana kuna”

Baoyo bakɔti na losambo ya solo bazalaka na bomoko

“Bóya, tómata na ngomba ya Yehova”

Basambeli ya solo babengaka basusu na losambo ya pɛto

“Akolakisa biso banzela na ye mpe tokotambola na banzela na ye”

Na nzela ya Liloba na ye, Yehova ateyaka biso mpe asalisaka biso tótambola na banzela na ye

“Bakoyekola mpe etumba lisusu te”

Yisaya alobaki ete bibundeli ya etumba ekokóma bisaleli ya bilanga mpo na komonisa ete basaleli ya Yehova bakozala bato ya kimya. Na ntango ya Yisaya, bisaleli yango ezalaki nini?

‘Mipanga ekómaki bitimweli ya mabele’

1 Etimweli ya mabele ezalaki kokabola mpenza mabele. Mosusu ezalaki ya ebende.​—1Sa 13:20

‘Makɔnga ekómaki makwangola ya kokata matiti’

2 Mbala mosusu likwangola ya kokata matiti ezalaki lokola mbeli ya mino makasi oyo ezalaki na esimbeli ya ebende. Bazalaki kosalela yango mpo na kobuka mbuma ya vinyo.​—Yis 18:5