Batelá libala na yo

Yehova azwaka na lisɛki te bilako oyo mwasi ná mobali basalaka. Alobaki ete bango mibale basengeli kokangama esika moko. (Mt 19:5, 6) Basaleli ya Nzambe mingi bazali na mabala ya esengo. Kasi, libala moko te ezalaka ya kokoka. Mikakatano ezangaka te. Tosengeli te kozala na makanisi oyo bato mingi bazalaka na yango ete kokabwana to koboma libala nde solisyo mpo na kosilisa matata oyo ebimaka na kati ya libala. Ndenge nini bakristo oyo babalá bakoki kobatela libala na bango?

Tótalela makambo mitano ya ntina.

1. Batelá motema na yo na makambo lokola kozala selesele na moto oyo azali molongani na yo te mpe na kominanola ya mbindo, makambo oyo ebebisaka boyokani na kati ya libala.​—Mt 5:28; 2Pe 2:14.

2. Kómisá makasi boyokani na yo ná Nzambe, mpe kolisá lisusu mposa na yo ya kosepelisa ye na kati ya libala na yo.​—Nz 97:10.

3. Kobá kolata bomoto ya sika, mpe saleláká molongani na yo mwa makambo ya boboto oyo ekosala ete amiyoka malamu.​—Kol 3:8-10, 12-14.

4. Sololáká na molongani na yo malamu, mpe zaláká na limemya.​—Kol 4:6.

5. Kokisáká bamposa ya molongani na yo na bolingo mpenza mpe moniseláká ye lolango.​—1Ko 7:3, 4; 10:24.

Ntango bakristo bapesaka libala lokumu, bapesaka nde Yehova lokumu, ye oyo azali Mobandisi na yango.

TALÁ VIDEO TOSENGELI ‘KOYIKA MPIKO NTANGO TOZALI KOPOTA MBANGU’​—TOSÁKÁ MIBEKO YA MOMEKANO, MPE NA NSIMA YANOLÁ NA MITUNA OYO:

• 

  Atako libala ekoki kobanda malamu, mikakatano nini ekoki kobima?

• 

  Ndenge nini mitinda ya Biblia ekoki kosalisa baoyo bamiyokaka ete bazali na libala ezangá bolingo?

• 

  Mibeko nini Yehova atyá mpo na libala?

• Mpo libala elonga, mwasi ná mobali basengeli kosala nini?