Maloba na nse ya lokasa

a Na Evanzile na ye, Luka abengaki mobali yango “Teofile, moto ya lokumu mingi,” likambo oyo etindaka bato mosusu bákanisa ete Teofile azalaki moto monene mpe azalaki naino mondimi te. (Luka 1:3) Kasi, na mokanda ya Misala, Luka abengi ye kaka, “Ee Teofile.” Bato mosusu ya mayele oyo bayekolaka maloba ya Biblia balobaka ete Teofile akómaki mondimi nsima ya kotánga Evanzile ya Luka; yango wana, ntango Luka atindelaki ye mokanda ya Misala, akómaki kotalela ye lokola ndeko na ye ya elimo, yango wana abengaki ye lisusu te “moto ya lokumu mingi.”