Maloba na nse ya lokasa

e Xerxès I ayebanaki lokola moto ya bongolabongola mpe ya nkanda. Hérodote, Mogrɛki moko oyo azalaki mokomi ya masolo ya kala, akomaki mwa makambo oyo Xerxès asalaki na etumba oyo abundaki na Grɛsi. Mokonzi atindaki ete bátya bamasuwa ebele esala lokola gbagba mpo na kokatisa détroit d’Hellespont. Ntango mopɛpɛ moko makasi ebebisaki gbagba yango, Xerxès apesaki mitindo ete bákata mitó ya bato ya mayele oyo basalaki yango mpe atindaki bato na ye bábɛta mai ya Hellespont fimbo mpe bátánga na mongongo makasi maloba ya kofinga yango. Kaka na etumba yango, ntango moto moko ya bozwi asɛngaki mokonzi ete mwana na ye akende na mosala ya soda te, Xerxès atindaki ete bákata mwana yango na biteni mibale, mpe bálakisa nzoto na ye mpo na kokebisa bato.