Komipesa mpe batisimo

1. Lokola Yehov’akelá

Molɔ́ngɔ́ mobimba,

Biloko nyonso’eza’ ya ye,

Na lola mpe na nse.

Apesi mpema ya bomoi;

Lokol’eza’ bongo,

Bikelamu nyonso ebongi

Básambela kaka ye.

2. Yesu abatisamaki,

Esɛngaki bongo.

Ayebisi Nzambe boye:

‘Nayei mosala n’o.’

Ntango ye abimi na mai,

Atyami mafuta.

Alaki Nzambe:

‘Nakosala, Tata, oy’olingi nde.’

3. Yehova, toy’epai na yo,

Mpo tókumisa yo.

Tomiboyi, tomipesi

Na mabɔkɔ na yo.

Opesaki Mwana na yo;

Asombaki biso.

Tondimi’ata kokufela yo,

Yah, tomipesi na yo.