-
“Mwasi moko malamu mingi”Linɔ́ngi ya Mosɛnzɛli—2012 | 1 Octobre
-
-
Bango mibale bakɔtaki na masolo, mpe Ruta ayebisaki Naomi ndenge Boaze amoniselaki ye boboto. Lokola esepelisaki Naomi, alobaki na Ruta boye: “Yehova apambola ye, ye oyo alongoli te motema boboto na ye epai ya bato ya bomoi mpe bakufi.” (Ruta 2:19, 20) Amonaki ete boboto oyo Boaze amonisaki eutaki nde epai ya Yehova, oyo atindaka basaleli na ye bákabaka mpe alaki kopambola basaleli na ye mpo na boboto oyo bazali komonisa.b—Masese 19:17.
-
-
“Mwasi moko malamu mingi”Linɔ́ngi ya Mosɛnzɛli—2012 | 1 Octobre
-
-
Ntango Ruta atángaki nkombo ya Boaze liboso, Naomi alobaki boye: “Mobali yango azali ndeko na biso. Ye azali moko ya basikoli na biso.” (Ruta 2:20) Yango elingaki kolimbola nini? Mibeko oyo Nzambe apesaki Bayisraele ezalaki mpe na ebongiseli moko malamu mpo na mabota oyo ezalaki konyokwama mpo na bobola to liwa ya moto moko ya libota. Soki mwasi oyo mobali akufá azalaki na mwana te, ezalaki mpenza mpasi mpo na ye mpamba te nkombo ya mobali na ye, libula na ye, elingaki kolimwa mpo na libela. Kasi, Mibeko ya Nzambe epesaki nzela ete ndeko ya mobali oyo akufi abala mwasi na ye mpo abota mwana oyo akozwa nkombo ya mobali na ye oyo akufá mpe na ndenge yango libula ya libota ebatelama.c—Kolimbola Mibeko 25:5-7.
-
-
“Mwasi moko malamu mingi”Linɔ́ngi ya Mosɛnzɛli—2012 | 1 Octobre
-
-
b Ndenge Naomi amonisaki yango, boboto ya Yehova esuki kaka te na bato ya bomoi; amonisaka yango mpe epai ya bato oyo bakufá. Mobali ya Naomi mpe bana na ye nyonso mibale bakufaki. Mobali ya Ruta akufaki. Na ntembe te, basi yango mibale bazalaki kolinga mingi mibali yango misato. Likambo nyonso ya boboto oyo bazalaki komonisela Naomi to Ruta, ezalaki lokola nde bazalaki komonisela mibali yango, oyo bakokaki kolinga ete basi oyo bango bazalaki kolinga bábatelama malamu.
c Lotomo ya kobala mwasi ya ndenge wana epesamaki libosoliboso na ndeko ya mobali oyo akufi mpe na nsima na ndeko na ye ya mosika, ndenge moko mpe na lotomo ya kozwa libula na ye.—Mitángo 27:5-11.
-