4, 5. Ndenge nini masese mosusu ya Biblia emonisi nguya oyo maloba ezali na yango?

⁴ Ntina moko monene oyo tosengeli kokeba na maloba na biso ezali ete maloba ezalaka na nguya. Masese 15:4 elobi boye: “Kimya ya lolemo ezali nzete ya bomoi, kasi bongolabongola kati na yango nde kobukana na elimo.”a Maloba ya malamu ekoki kokitisa mitema ya baoyo bazali koyoka yango; nzokande, maloba ya mabe ekoki kolɛmbisa basusu. Ya solo, maloba na biso ekoki kobikisa, to mpe kozokisa.​—Masese 18:21.