“Motema oyo ezali na esengo esalaka malamu lokola eloko oyo ebikisaka.”​—MASESE 17:22.

Kozala na motema ya esengo mpe epesaka matomba ya malamu ndenge wana. Monganga Derek Cox, oyo alandelaka mpe makambo ya kolɔngɔnɔ ya nzoto na ekólo Écosse, alobaki na zulunalo ya BBC ete: “Soki ozali na esengo, okobɛlabɛlaka mingi te lokola bato oyo bazalaka na esengo te.” Zulunalo yango ebakisi boye: “Bato oyo bazalaka na esengo mingi babatelamaka mpe na bamaladi mingi, na ndakisa maladi ya motema ya bɔɔngɔ.”