-
“Tóbongisa makambo”Esakweli ya Yisaya—Pole mpo na bato nyonso, Volimi I
-
-
1, 2. Yehova akokanisi bakonzi mpe bato ya Yelusaleme mpe ya Yuda na banani, mpe mpo na nini bokokanisi yango ebongi?
NSIMA ya koyoka maloba oyo ezali na Yisaya 1:1-9, maloba oyo ezali kokweisa bango, mbala mosusu bato ya Yelusaleme balingi komilongisa. Na ntembe te, balingi kolobela na lolendo mpenza bambeka nyonso oyo bapesaka Yehova. Kasi, Yisaya 1 vɛrsɛ 10 tii vɛrsɛ 15 emonisi ete Yehova azongiseli bango eyano ya nkanda mpo na makanisi na bango wana. Ebandi boye: “Bóyoka liloba na [Yehova], ɛ bino mikóló na Sodomo; bósembola litoi epai na kolakisa na Nzambe na biso, ɛ bino bato na Gomola.”—Yisaya 1:10.
2 Sodomo na Gomola ebebisamaki kaka mpo na misala na bango ya mbindo te, kasi mpe mpo na motema makasi mpe lolendo ya bato oyo bazalaki kofanda wana. (Genese 18:20, 21; 19:4, 5, 23-25; Ezekiele 16:49, 50) Emonani ete maloba ya Yisaya epesi bato yango oyo bazalaki koyoka ye nkanda mpenza ndenge akokanisi bango na bato oyo bafandaki na bingumba wana oyo elakelamaki mabe.a Kasi Yehova azali kotalela basaleli na ye kaka ndenge bazali, mpe Yisaya alɛmbisi nsango ya Nzambe te mpo na “kosepelisa bango matoi.”—2 Timote 4:3, NW.
-
-
“Tóbongisa makambo”Esakweli ya Yisaya—Pole mpo na bato nyonso, Volimi I
-
-
a Masolo ya kala ya bonkɔkɔ ya Bayuda elobaka ete mokonzi mabe Manase abomisaki Yisaya, bakataki ye biteni mibale na mosumani. (Kokanisá na Baebele 11:37.) Buku moko elobi ete mpo bákatela Yisaya etumbu ya liwa, mosakoli moko ya lokuta afundaki ye na maloba oyo: “Abengaki Yelusaleme Sodomo, mpe alobaki ete bankumu ya Yuda mpe ya Yelusaleme bazali bato ya Gomola.”
-