-
Yisaya asakoli ‘mosala ya kokamwa’ ya YehovaEsakweli ya Yisaya—Pole mpo na bato nyonso, Volimi I
-
-
8. Nsango ya Yisaya ebimisi nini?
8 Ndenge nini bakonzi ya Yuda bataleli likebisi ya Yehova? Batyoli Yisaya, bagangeli ye ete azali koloba na bango lokola bana mike: “Akomonisa boyebi epai na nani? Akolimbola bososoli epai na nani [na oyo toyoki, NW]? Epai na baoyo bakilisami libɛlɛ, balongolami mpe na mabɛlɛ na mama? Zambi ezali lilako nsima na lilako, lilako nsima na lilako, molɔngɔ nsima na molɔngɔ, molɔngɔ nsima na molɔngɔ, moke awa mpe moke wana.” (Yisaya 28:9, 10) Na matoi na bango, kozongelazongela makambo oyo Yisaya azali koloba ezali koyokana mabe mpenza! Akobi koloba ete: ‘Talá oyo Yehova asɛngi! Talá oyo Yehova asɛngi! Talá etinda ya Yehova! Talá etinda ya Yehova!’a Kasi etikali moke Yehova “akoloba” na bafandi ya Yuda na nzela ya misala na ye. Akotinda mampinga ya basoda ya Babilone—bapaya oyo balobaka monɔkɔ mosusu—mpo na kobundisa bango. Na ntembe te, mampinga ya basoda yango bakokokisa mitinda ya Yehova “lilako nsima na lilako,” mpe Yuda akokwea.—Tángá Yisaya 28:11-13.
-
-
Yisaya asakoli ‘mosala ya kokamwa’ ya YehovaEsakweli ya Yisaya—Pole mpo na bato nyonso, Volimi I
-
-
a Na makomi ya liboso mpenza na Liebele, Yisaya 28:10 ezali maloba ya kozongelazongela, oyo ekokani na loyembo moko ya mwana moke. Na yango, na matoi ya bakonzi yango ya lingomba, nsango ya Yisaya ezali koyokana lokola kozongelazongela makambo lokola bana mike.
-