6-8. Sefania 1:4-6 esakolaki makambo nini, mpe esakweli yango ekokisamaki ndenge nini na Yuda ya kala?

⁶ Sefania 1:​4-6 esakoli makambo oyo Nzambe asengelaki kosala epai ya basambeli ya lokuta, ete: “Nakosembola lobɔkɔ na ngai likoló ya Yuda mpe likoló ya bafandi ya Yelusaleme; [nakolongola] longwa na esika oyo litika ya Baala, mpe nkombo ya basali ya bikeko mpe banganga na yango lokola; baoyo bazali kogumbama likoló ya nsamba epai na [limpinga, NW] ya lola, baoyo bazali kogumbama mpe kokata ndai na [Yehova], nde bakati ndai mpo na Malakama; mpe baoyo babongwani nsima na [kolanda Yehova], baoyo bazali koluka [Yehova] te mpe bazali kotuna ye te.”

 9. (a) Ngambo nini mangomba ya boklisto ezali na yango? (b) Tosengeli kozala na ekateli ya kosala eloko nini oyo bato ya Yuda oyo bazalaki sembo te bazangaki kosala?

⁹ Makambo yango ezali kozongisa makanisi na biso na makambo oyo mangomba ya boklisto ezali kosala, ndenge oyo mangomba yango emipesi na losambo ya lokuta mpe na kotala minzoto mpo na koyebisa makambo oyo ekoya! Mangomba ya boklisto esali mpe likambo mosusu ya mabe mpenza: ezali na ngambo na ebele ya bomoi ya bato oyo baleki mbeka na bitumba oyo bakonzi ya mangomba bazali kolendisa! Tózala ata moke te lokola bato ya Yuda oyo bazalaki sembo te, ‘batikaki kolanda Yehova,’ bazalaki lisusu kolanda makambo na ye te mpe bazalaki lisusu koluka litambwisi na ye te. Biso tózala sembo epai ya Nzambe.