Mituna ya batangi

◼ Tokoki kosukisa na ntina ya Matai 7:13, 14 mpe Luka 13:24 ete, ata kati na bato oyo bakosekwa, mingi na bango akoboya losambo ya solo?

Te, ba versets oyo ezali kolobela likanisi wana te. kasi ezali koyokana mingi mpenza na likanisi oyo lizali kopesa nzela na kozwa bomoi na Bokonzi ya likolo.

Maloba na Yesu oyo makomami na Matai 7:13, 14 ezali kati na lisolo na ye na likolo na ngomba Tala yango oyo: “Boingela na ekuke ya nkaka. Mpamba te ekuke ezali monene pe nzela ezali na esika ya monene yo ekoleka kino na libebi. Bazali mingi baoyo bakoingela na yango po ete ekuke ezali na nkaka mpe zela ekangani oyo ekoleka na bomoi‘ mpe baoyo bakomona yango bazali mingi te.”

Mingi ya makambo oyo Yesu alobaki na ntango wana ezalaki kolobela mpenza Bokonzi ya likolo. Na ndakisa, abandaki na maloba oyo: Esengo na baoyo bayebi bamposa bango ya elimo, mpo ete bokonzi likoló ezali ya bango.” Alobaki ete oyo bazali na motema ya peto ‘bakomona Nzambe’ mpe ete ‘’Bokonzi na makolo” ezali ya “baoyo basili konyokwama na ntina na boyengebene (Matai 5:3,8, 10; M.N.) Na nsima bobele kati ya diskur wana. Yesu lobaki na ntina ya nzela monene yo ezali komema na libebi mpe nzela moke oyo ezali komema na bomoi. kati na yango abakisaki boye: “Ezali oyo nyonso te bakobengaka ngai: nkolo, Nkolo, nde bakokota na bokonzi ya makolo, kasi ye oyo akosalaka mokano ya Tala na ngai oyo azali na makolo.”​—Matai 7:13, 14, 21, M.N.

Na yango, zongazonga ya ba versets wana mibale emonisi biso ete maloba na Yesu (oyo elakisi ete bobele moke na bate nde bazali koleka na nzela ya moke oyo ezali komema na bomoi mpe basili kobika) elobeli liboso mpenza oyo ekopesa nzela na kozwa ngolu na Nzambe na eleko oyo Ye azalaki kopesa elikya ya bomoi na likolo. Bobele moke mpenza nde bandimaki libéngami yango kati na baoyo nyonso bayokaki nsango ya solo. mpe bayekolaki makambo masɛngami mpo na kozwa elikya ya kokende likoló mpe bamimonisaki sembo.​—Matai 22:14; 24:13; Yoane 6:60-66.