-
“Nini ekozala elembo ya kozala na yo?”Linɔ́ngi ya Mosɛnzɛli—1994 | 15 Février
-
-
16. Likambo nini ya sikisiki ebakisami likoló na esakweli ya Yesu oyo ezwami na Luka 21:24, mpe likambo yango oyo ebakisami ezali na motuya nini?
16 Soki tokokanisi Matai 24:15-28 mpe Malako 13:14-23 elongo na Luka 21:20-24, tokomona elembeteli mosusu ya mibale oyo emonisi ete esakweli ya Yesu esengelaki te kosuka bobele na kobebisama ya Yelusaleme. Omikundola ete bobele Luka nde alobelaki maladi mabe. Bobele bongo, ezali bobele ye nde asukisaki na maloba oyo ya Yesu: “Yelusaleme ekonyatama na mabota kino ekokoka bilaka na mabota [eleko ya bapagáno, “Liloba lya Nzambe”].”e (Luka 21:24) Bato ya Babilone balongolaki mokonzi ya nsuka ya Bayuda na mobu 607 L.T.B., mpe na nsima na yango, Yelusaleme, oyo ezalaki komonisa Bokonzi ya Nzambe, enyatamaki. (2 Mikonzi 25:1-26; 1 Ntango 29:23; Ezekiele 21:25-27) Kati na Luka 21:24, Yesu amonisaki ete ezalela wana esengelaki koumela kino na mikolo mizalaki koya, na ntango oyo Nzambe akozongisa Bokonzi na ye.
-
-
“Nini ekozala elembo ya kozala na yo?”Linɔ́ngi ya Mosɛnzɛli—1994 | 15 Février
-
-
e Bato mingi bamonaka mbongwana ya elobeli kati na lisoló ya Luka, na nsima ya Luka 21:24. Dr. Leon Morris amonisi ete: “Yesu akobi na koloba na ntina na ntango ya bapagáno. . . . Bato mingi ya mayele balobi ete na eteni oyo likebi libendami mpo na oyo etali koya ya Mwana na moto.” Molakisi R. Ginns akomi ete: “Koya ya Mwana na moto—(Mt 24:29-31; Mko 13:24-27). Kolobelama ya ‘ntango ya Bapagáno’ ezali liloba ya ebandeli na lisolo oyo; sikawa, makanisi [ya Luka] etyami bobele likoló na kobebisama ya Yelusaleme te, kasi koleka lisusu mpo na mikolo mizalaki koya.”
f Molakisi Walter L. Liefeld akomi ete: “Tokoki solo mpenza kondima ete bisakweli ya Yesu esangisaki biteni mibale: (1) makambo oyo mabimaki na mobu 70 nsima na kobotama ya Yesu, yango etalelaki Tempelo mpe (2) oyo esengelaki kokokisama na ntango oyo ezalaki koya mosika, elobelami mingi mpenza na lolenge ya esakweli.” J. R. Dummelow apesaki ndimbola oyo ete: “Mingi na bankaká oyo eleki makasi kati na lisoló oyo monene ezali kongengisama polele wana tozali kokanga ntina ete Nkolo na biso alobelaki bobele likambo moko te kasi nde makambo mibale, mpe oyo ya liboso ezalaki elilingi ya oyo ya mibale. . . . Mingi mpenza [Luka] 21:24, oyo ezali kolobela ‘eleko ya Bapagáno,’ . . . emonisi bolai ya eleko oyo ezali katikati na kokwea ya Yelusaleme kino nsuka ya mokili, bolai oyo bosikisiki na yango eyebani te.”
-