-
“Bókende mpe bókómisa bato bayekoli”“Yaká, landá ngai”
-
-
12 Yesu ateyaki mpe bayekoli na ye ete báboya kolekisa ntango mpambampamba. Alobaki ete: “Bópesa moto mbote na nzela te.” (Luka 10:4) Yesu azalaki nde koyebisa bango ete bátyaka kaka likebi na makambo na bango moko, bákipe moto te? Soki moke te. Na ntango ya kala, kopesa moto mbote ezalaki kosuka te kaka na koloba “mbote.” Kopesa mbote ezalaki kosɛnga makambo mingi mpe kobenda lisolo molai. Moto moko ya mayele oyo alimbolaka maloba ya Biblia alobi boye: “Na bokeseni na makambo oyo esalemaka epai na biso, epai ya bato ya Azia, mbote ezalaki kosuka te kaka na koningisa motó mwa moke to kosembola lobɔkɔ, kasi [ezalaki] nde koyambana mbala na mbala, kogumba motó, ata mpe kofukama tii na nse. Nyonso wana ezalaki kozwa ntango mingi.” Ntango Yesu ayebisaki bayekoli na ye ete bálanda te lolenge wana ya kopesa mbote, alingaki mpenza koloba nde: “Bosengeli kosalela ntango na bino malamu, mpo nsango oyo bomemi esengeli kosakolama na lombangu.”b
-
-
“Bókende mpe bókómisa bato bayekoli”“Yaká, landá ngai”
-
-
b Mosakoli Elisha mpe apesaki malako ya ndenge wana na ntango ya kala. Ntango atindaki mosaleli na ye Gehazi epai ya mwasi moko oyo mwana na ye akufaki, Elisha alobaki ete: “Soki okutani na moto na nzela, kopesa ye mbote te.” (2 Bakonzi 4:29) Etinda yango esengelaki kokokisama na lombangu, yango wana asengelaki kolekisa ntango mpambampamba te.
-