• “Nasɛngi nakende kosamba liboso ya Kaisala!”
    Linɔ́ngi ya Mosɛnzɛli—2001 | 15 Décembre

    • Nganga-monene Anania, na mikóló ya Bayuda, na Teletulu bafundaki Paulo liboso ya Feliki ete ‘azali likama monene mpe azali kobimisa botomboki epai ya Bayuda nyonso na mabele mobimba.’ Bafundaki ye ete azalaki mokonzi ya “lingomba ya bato ya Nazalete” mpe alingaki kosambwisa tempelo.​—Misala 24:1-6, NW.

      Bato oyo babɛtaki Paulo na ebandeli bakanisaki ete amemaki Tolofimi, moto moko oyo azalaki Moyuda te, na kati ya lopango ya tempelo epai oyo kaka Bayuda bakokaki kokɔta kuna.a (Misala 21:28, 29) Soki totaleli likambo na bosembo mpenza, moto mpenza oyo tokoki koloba ete asalaki mabe, atako ezalaki mpe kaka makanisi na bango, ezalaki nde Tolofimi. Kasi, soki mpo na Bayuda likambo oyo bango bakanisaki ete Paulo asalaki ezalaki nde kolendisa moto na kobuka mobeko wana, bakokaki mpe kotalela likambo yango lokola mbeba monene oyo moto akoki kozwela etumbu ya liwa. Emonani mpe ete bakonzi ya Loma bapekisaki Bayuda te na kokatela moto etumbu mpo na mbeba wana. Elingi koloba ete soki na esika ya bapolisi ya Lusia, bapolisi ya tempelo nde bakangaki Paulo, mbɛlɛ Sanedrina ekokaki mpenza kosambisa ye mpe kokatela ye etumbu.

  • “Nasɛngi nakende kosamba liboso ya Kaisala!”
    Linɔ́ngi ya Mosɛnzɛli—2001 | 15 Décembre

    • a Efelo moko ya mabanga oyo etongamaki malamu mpenza, ya mɛtrɛ soki 1,30 na bosanda, ekabolaki Lopango ya bapakano na lopango ya kati. Soki moto azali kotambola pembenipembeni ya efelo yango, mbala nyonso oyo aleki mwa bamɛtrɛ, azalaki komona maloba ya kokebisa oyo bakomaki na efelo yango, mosusu ezalaki na Grɛki mpe mosusu na Latin mpe elobaki boye: “Epekisami na mopaya akatisa ndelo oyo mpe akɔta na kati ya esika mosantu. Ye oyo bakokanga ye, etali ye; akobomama.”