• “Bóbunda etumba makasi mpo na kondima”!
    Linɔ́ngi ya Mosɛnzɛli—1998 | 1 Sanza ya 6

    • 5. Yuda azongeli maloba ya mosakoli nini ya ntango ya kala, mpe lolenge nini esakweli yango emonisi ete ekoki kozanga kokokisama te?

      5 Na nsima, Yuda alobeli etumbu ya monene koleka. Azongeli maloba ya esakweli ya Enoka—maloba oyo mazwami esika mosusu te kati na Makomami mapemami.a (Yuda 14, 15) Enoka asakolaki na ntina na eleko oyo Yehova akopesa etumbu na bato nyonso bazali kotyola Nzambe mpe akosambisa misala na bango ya mabe. Likambo ya kobenda likebi, Enoka asalelaki eleko-eleká (passé), mpamba te, bitumbu ya Nzambe bikokaki kozanga kokokisama te na boye ete amonaki yango lokola ete bisilaki kokokisama. Ekoki kozala ete bato basɛkaki Enoka mpe na nsima basɛkaki Noa, kasi basɛki wana bakufaki na Mpela ya mokili mobimba.

  • “Bóbunda etumba makasi mpo na kondima”!
    Linɔ́ngi ya Mosɛnzɛli—1998 | 1 Sanza ya 6

    • a Balukiluki mosusu balobaka ete Yuda atángi maloba yango uta na mokanda ebéngami Buku ya Enoka, oyo ezali bongo apokrife [ezali kati na mikanda mipemami te]. Nzokande, Richard Lenski alobi boye: “Totuni boye: ‘Buku ya Enoka, mokanda oyo ezali na makambo ndenge na ndenge, eutá wapi?’ Buku yango ebakisamaki, mpe moto moko te ayebi malamu badati ya kokomama ya biteni na yango ndenge na ndenge . . . ; moto moko te akoki koyeba na bosikisiki soki mbala mosusu maloba na yango mosusu mazwamaki se na mokanda ya Yuda te.”