Buku ya Nzambe​—Eloko ya motuya mingi

1. Toza’ na buku moko mpenza oyo

Epesak’elikya, mpe nsai mingi.

Makanisi n’ango eza’ na nguya,

Epesaka bomoi na “bakufi.”

Buku yango nde Biblia mosantu.

Ekomamaki na bato’a Nzambe.

Oyo balingaki mpenza Yehova;

Bango bazwaki elimo na ye.

2. Balobeli biloko Nzamb’asali,

Ndeng’asalaki mpenza mokili.

Balobeli ndenge moto’abandaki;

Ndenge Paradiso ebungaki.

Balobeli mpe ndeng’anzelu moko

Aboyaki Bokonzi’a Yehova.

Yango nde ememeli bato mpasi;

Mosika te, Yehov’akolonga.

3. Lelo totondi na esengo mingi!

Kristo nde Nkolo’a Bokonzi’a Nzambe.

Lel’oyo nde mokolo ya lobiko,

Mpo na bato oyo bandimi ye.

Nyonso wana eza’ na buku na ye;

Eza’ lokola biloko’a kolya.

Ez’opesa kimya moko monene.

Buku oyo ebongi tótánga.