29 “Bulelela Maisilaele, uli: ‘Mutu kaufela yatiseza Jehova sitabelo sahae sa kuikabela ukatiseza Jehova kalulo ya nubu yengilwe kwa sitabelo sahae sa kuikabela.+ 30 Ukatisa mwa mazoho ahae mafula+ hamoho ni sifuba sina nubu yecisezwa Jehova ka mulilo, mi uka izungiseza kafa ni kafa sina nubu ya kuzungisa+ fapilaa Jehova. 31 Muprisita ukatushanisa mafula fa aletare,+ kono sifuba sikaba sa Aruni ni bana bahae babashimani.+