25 Buikalabelo bwa bana ba Gerishoni+ babashimani mwa tende ya makopanelo neli bwa kubabalela tabernakele ni tende,+ ni zeapesa tende,+ lisila+ la fa munyako wa tende ya makopanelo, 26 masila a lapa alepelela,+ lisila+ la kwa munyako wa lapa lelipotoloha tabernakele ni aletare, mihala yayona, ni misebezi kaufela yeneamana ni zona.

30 Nduna wa lusika lwa Makohati mwa mabasi a bahandataa bona neli Elizafani mwanaa Uziele.+ 31 Buikalabelo bwabona neli bwa kubabalela Aleka,+ tafule,+ matomelo a lilambi,+ lialetare,+ lisebeliso+ zeneitusiswa kwa sebelezo ya mwa sibaka sesikenile, ni lisila+ la fa munyako, hamohocwalo ni misebezi kaufela yeneamana ni zona.+

36 Bana ba Merari nebanani buikalabelo bwa kubabalela mafulemu+ a tabernakele, mabalelo ayona,+ misumo yayona,+ matomelo ayona, lisebeliso zayona kaufela,+ ni misebezi kaufela yeamana ni zona,+ 37 ni misumo yenepotolohile lapa kaufela ni matomelo ayona,+ limapo zayona, ni mihala yayona.