27 “Nikatahisa kuli batu banisabe mane musika fita kale ku bona,+ mi nikafilikanya macaba kaufela emuka kopana ni ona, ni kutahisa kuli lila zamina kaufela lisabe ku mina lituzwi.*+

9 Mi ali ku bona: “Naziba kuli Jehova uka mifa naha ye,+ mi kaufelaa luna luikalezwi bakeñisa mina.+ Batu kaufela babayahile mwa naha bakenezwi ki sabo kabakala mina,+ 10 kakuli luutwile mo Jehova naakaliselize mezi a Liwate Lelifubelu fapilaa mina, nako yemuzwa mwa Egepita,+ ni sene muezize kwa malena bababeli ba Maamori, bo Sihoni+ ni Ogo,+ bane muyundisize mwabuse* bwa Jordani.

5 Malena kaufela ba Maamori+ bane bali kwa wiko* wa Jordani, ni malena kaufela ba Makanana+ bane bali kwatuko a liwate, habautwa kuli Jehova naaomisize mezi a Jordani fapilaa Maisilaele kufitela basila, basaba hahulu,*+ mi baikalelwa maswe* kabakala Maisilaele.+