8 Mululwani neukambama kuliba kwa Musindi wa Mwanaa Hinomu+ kwa njetumuko ya Majebusi+ kwa mboela, fo kikuli kwa Jerusalema,+ mi neukambama kuyo fita fahalimwaa lilundu lelitalimani ni Musindi wa Hinomu kwa wiko, ili musindi oli kwa mafelelezo a Musindi* wa Refaimi kwa mutulo.

12 Mululwani wa kwa wiko neuli kwa Liwate Lelituna*+ ni munanga walona. Wo neli ona mululwani wa bana ba Juda kwa maneku kaufela, ka kuya ka mabasi abona.

15 Babalaalu kwa manduna ba 30 bashetumukela kwa licwe, bashetumukela ku Davida kwa mukoti wa Adulami,+ mpi ya Mafilisita inze itibelezi mwa Musindi* wa Refaimi.+

13 Hasamulaho, Mafilisita hape bato lwanisa batu ba mwa musindi* wo.+ 14 Davida hape abuza Mulimu, kono Mulimu wa niti ali ku yena: “Usike wayo bakatanyeza. Kono ubapotolohe kwamulaho, uyo bataseza fapilaa macacani a baaka.+ 15 Mi hauka utwa misindo ya babacaula fahalimwaa macacani a baaka, ushokomoke uyo lwana, kakuli Mulimu wa niti uka kuzamaya kwapili kuyo bulaya mpi ya Mafilisita.”+ 16 Davida aeza mwanaa mulaelezi Mulimu wa niti,+ mi bayo bulaya mpi ya Mafilisita kukalela mwa Gibioni kuyo fita kwa Gezeri.+ 17 Mi libubo la Davida laya mwa linaha kaufela, mi Jehova akenya sabo ya kumusaba mwa macaba kaufela.+