3 Usike walapela milimu isili, kwandaa ka.*+

4 “Usike waikezeza siswaniso sa kubeta kamba siswaniso sa nto ifi kamba ifi ye mwa mahalimu kwahalimu kamba fafasi mwa lifasi kamba mwa mezi kwatasaa lifasi.+ 5 Usike walikubamela kamba kukukuezwa kulisebeleza,+ kakuli na Jehova Mulimu wahao, ni Mulimu yatokwa kulapelwa feela anosi,+ nifa bana koto kabakala bufosi bwa bashemi babona, kuisa kwa baikulu babona ni kwa bana ba baikulu babona, baba nitoile,

24 Musike mwakubamela milimu yabona kamba kukukuezwa kuisebeleza, mi musike mwalikanyisa likezo zabona.+ Kono mina mulukela kusinya milimu yeo ni kutubaka misumo yabona ya macwe ya kulapela.+

14 Hamulukeli kukubamela milimu isili,+ kakuli Jehova uzibahala* kuli ki Mulimu yatokwa kulapelwa feela anosi.* Ki cwalo, ki Mulimu yatokwa kulapelwa feela anosi.+

9 Usike walikubamela kamba kulisebeleza,+ kakuli na Jehova Mulimu wahao, ni Mulimu yatokwa kulapelwa feela anosi;+ nifa bana koto kabakala bufosi bwa bashemi babona, kuisa kwa baikulu babona ni kwa bana ba baikulu babona, baba nitoile,+