21 Manase+ naanani lilimo ze 12 hakala kubusa, mi abusa lilimo ze 55 inzaa li mwa Jerusalema.+ Libizo la mahe neli Hefeziba. 2 Aeza zemaswe mwa meeto a Jehova, ka kulikanyisa mikwa yenyenyisa ya macaba+ anaalelekilwe ki Jehova fapilaa sicaba sa Isilaele.+

19 Amone+ naanani lilimo ze 22 hakala kubusa, mi abusa lilimo zepeli inzaa li mwa Jerusalema.+ Libizo la mahe neli Meshulemeti mwanaa Haruzi wa kwa Jotaba. 20 Azwelapili kueza zemaswe mwa meeto a Jehova, sina mwanaaezelize Manase ndatahe.+ 21 Azwelapili kuzamaya mwa linzila kaufela zanaazamaile ku zona ndatahe, mi azwelapili kusebeleza ni kukubamela milimu ya maswaniso yenyenyisa yanaasebelelize ndatahe.+