• Joshua 23:14
    Bibele Ya Toloko Ya Lifasi Lelinca

    • 14 “Cwale hamubone! Nituha nishwa,* mi mwaizibela hande ka pilu yamina kaufela ni ka moyo* wamina kaufela kuli kwa lisepiso zende kaufela za Jehova Mulimu wamina, hakuna nihaiba linzwi lililiñwi lelisika talelezwa. Kaufelaa ona atalelelizwe. Hakuna nihaiba lililiñwi ku ona lelisika talelezwa.+

  • Isaya 55:10, 11
    Bibele Ya Toloko Ya Lifasi Lelinca

    • 10 Kakuli sina pula ni litwa halinela kuzwa kwa lihalimu

      Mi lisakuteli kwateñi kufitela likolobisa lifasi, ili kutahisa kuli licalo limele ni kubeya,

      Kuli life mucali peu ni kufa muci sinkwa,

      11 Ni linzwi laka lelizwa mwa mulomo waka likaba cwalo.+

      Halina kukutela ku na lisika eza sesiñwi,+

      Kono likapeta nto kaufela yenilata,*+

      Mi likakondisa luli seni lilumezi.

  • Zakaria 1:6
    Bibele Ya Toloko Ya Lifasi Lelinca

    • 6 Kono kana manzwi aka ni litaelo zaka, zene nilaezi batanga baka, bona bapolofita, nelisika bonwa ki bo ndataa mina inze litalelezwa?’+ Kabakaleo, bakutela ku na mi bali: ‘Jehova wa limpi uluezize ka kuya ka linzila zaluna ni likezo zaluna, sina mwanaalelezi.’”+