17 Nabona hape lingeloi leliyemi mwa lizazi, mi lahuweleza ka linzwi lelituna mi kwa linyunywani kaufela zefufa mwa mbyumbyulu,* lali: “Hamutahe kwanu, mukubukane hamoho kwa mulalelo omutuna wa Mulimu,+ 18 kuli muce nama ya malena ni nama ya bazamaisi ba masole ni nama ya baana babatiile+ ni nama ya lipizi ni ya baba lipahami,+ ni nama ya batu kaufela, ya babalukuluhile hamohocwalo ni ya batanga ni ya babanyinyani ni babatuna.”