SIFALANA SA FA INTANETI sa Watchtower

Isaya 30:10

Bibele Ya Toloko Ya Lifasi Lelinca
- 10 Babulelela baboni, bali: ‘Musike mwabona,’
  
  Mi babulelela baboni ba lipono, bali: ‘Musike mwalubulelela lipono za niti.+
  
  Mulubulelele litaba za kulutabisa feela;* mubone lipono za buhata.+

Jeremia 23:25

Bibele Ya Toloko Ya Lifasi Lelinca
- 25 “Niutwile bapolofita babapolofita za buhata ka libizo laka, bali: ‘Nilolile tolo! Nilolile tolo!’+

Malilo 2:14

Bibele Ya Toloko Ya Lifasi Lelinca
- 14 Lipono zene bakubulelela bapolofita bahao neli za buhata, zesina tuso,+
  Mi nebasika beya bufosi bwahao fa ngandaleza kuli bakutibele kuiswa mwa buhapiwa,+
  Kono nebanze bakubulelela lipono za buhata ni zekelusa.+
  
  ס [Samekh]

Ezekiele 13:9, 10

Bibele Ya Toloko Ya Lifasi Lelinca
- 9 Lizoho laka lilwanisa bapolofita ba lipono za buhata, babapolofita litaba za lishano.+ Habana kuba mwahalaa batu benika sebela litaba; habana kuñolwa mwa buka ya mabizo a ba ndu ya Isilaele; habana kukutela kwa naha ya Isilaele; mi mukaziba kuli ki na Jehova Mulena Yapahami ka Kufitisisa.+ 10 Zeo kaufela likaezahala kabakala kuli bakelusize sicaba saka ka kubabulelela kuli: “Kunani kozo!” hailifo hakuna kozo.+ Hakuyahiwa limota lelisika tiya, balimateha ka mubaso omusweu.’*+