9 Kono sina mokuñolezwi: “Liito halisika bona ni zebe haisika utwa, mi nihaiba pilu ya mutu haisika utwisisa lika zeo Mulimu alukiselize baba mulata.”+ 10 Kakuli ki luna bapatululezi Mulimu lika zeo+ ka moya wahae,+ kakuli moya ubatisisa mwa linto kaufela, nihaiba zetungile za Mulimu.+

9 ka kuluzibisa kunutu yekenile+ ya tato yahae. Ki ka kulata kwahae hanaalelile 10 kuzamaisa lika kwa mafelelezo a linako zenetomilwe, ilikuli akubukanyeze lika kaufela ku Kreste, lika ze kwa mahalimu ni lika ze mwa lifasi.+ Ki cwalo, lika kaufela lika kubukanywa ku yena, 11 yena yeluswalisana ni yena ni yene lufilwe kuyola saanda ni yena,+ ka kuba bane baketezwi cimo kulikana ni mulelo wahae, yena yapeta lika kaufela ka mwaatulela kulikana ni tato yahae, 12 kuli ka luna, luna bapili kuba ni sepo ku Kreste, kulumbwe kanya yahae.

26 yona kunutu yekenile+ yenepatilwe mwa linako za kwamulaho*+ ni kwa masika akale. Kono cwale ipatululezwi babakenile,+ 27 bao Mulimu alatile kuzibahaza mwahalaa macaba bufumu bobukanya bwa kunutu yekenile yeo,+ fo kikuli Kreste yaswalisana ni mina, ni sepo ya kanya yahae.+