59 Cwale baprisita babahulu ni ba kuta kaufela ya Sanhedrini nebabata bupaki bwa buhata bwa kutama Jesu ka bona kuli bamubulaye.+ 60 Kono bapalelwa kubufumana, nihaike kuli nekutile lipaki za buhata zeñata.+ Hasamulaho, kwataha lipaki zepeli, 61 mi zali: “Mutu yo naabulezi kuli: ‘Nakona kuwisa tempele ya Mulimu ni kuiyaha mwa mazazi amalaalu.’”+

39 Mi bane bafita mwa nzila bamunyefula,+ banze banyunga litoho zabona,+ 40 mi bali: “Wena yanaali wakona kuwisa tempele ni kuiyaha mwa mazazi amalaalu,+ hakuipilise! Haiba u mwanaa Mulimu, tuluka fa kota ya linyando!”*+

57 Hape babañwi nebayema ni kufa bupaki bwa buhata ka za hae, banze bali: 58 “Nelu muutwile habulela kuli: ‘Nikawiseza fafasi tempele ye, yeneezizwe ka mazoho, mi mwa mazazi amalaalu nikayaha isili yesike yaezwa ka mazoho.’”+